Инчоны нисэх онгоцны буудал дээр 14 сар амьдарсан Африк эр дүрвэгчийн өргөдлийг нь хүлээж аваагүйтэй холбоотой нэхэмжлэл

Дамжин өнгөрөх зорчигч гэсэн шалтгаанаар дүрвэгчийн өргөдлийг нь хүлээж аваагүйн улмаас Инчоны нисэх онгоцны буудал дээр 14 сар амьдарсан Африк гаралтай иргэн Хууль зүйн яамны эсрэг шүүхдэн заргаа авав.

Шүүхээс тавдугаар сарын 17-ны өдөр мэдээлснээр Хууль зүйн яамны Инчоны олон улсын нисэх онгоцны буудлын цагаачлал, гадаадын иргэдийн асуудал хариуцсан газраас өнгөрсөн 4-р сарын 21-ний өдөр Африк улсын иргэн А-гийн шүүхэд гаргасан нэхэмжлэлийн зарим  хэсэгт давж заалдаагүй байна.

А нь өнгөрсөн хоёрдугаар сард эх орондоо улс төрийн хавчлагад өртсөн Инчоны олон улсын нисэх онгоцны буудлын ирснийхээ дараа дүрвэгчийн өргөдөл гаргах гэсэн боловч Хууль зүйн яамнаас нислэгийн чиглэл нь Солонгос биш гэсэн шалтгаанаар түүний өргөдлийг хүлээн аваагүйн улмаас шүүхэд хандсан билээ.

Үүний дараа А нь Инчон олон улсын нисэх онгоцны буудлын дамжин өнгөрөх хэсэгт жил гаруйн хугацаанд амьдарч байгаа бөгөөд анхан болон дараагийн шатны шүүхээс Хууль зүйн яам дүрвэгчийн өргөдөл хүлээн авахаас татгалзсан нь хууль зөрчсөн гэсэн шийдвэрлэжээ.

계속 “Инчоны нисэх онгоцны буудал дээр 14 сар амьдарсан Африк эр дүрвэгчийн өргөдлийг нь хүлээж аваагүйтэй холбоотой нэхэмжлэл” 읽기

Naver, Kakao-гаар дамжуулан үлдэгдэл вакцины мэдээллийг хянан тухайн өдөр захиалга хийсний дараа вакцинд хамрагдах боломж

Naver, Kakao-гоор дамжуулан ойролцоох вакцин хийж буй газрын вакцины үлдэгдлийг тогтоон тухайн өдөр захиалга өгөн хамрагдах боломжтой болохнээ.

Тавдугаар сарын 14-ны өдөр Солонгосын засгийн газраас “5-р сарын 27-ноос эхлэн захиалгаа  цуцалсан зэрэг шалтгааны улмаас үлдсэн вакцины хэмжээг хурдан хугацаанд тогтоон тухайн өдөртөө захиалга аван вакцинжуулах системийг бий болгохоор төлөвлөж байгаа” хэмээн мэдэгдэл хийжээ.

Naver, Kakao зэрэг солонгос иргэд өргөнөөр ашигладаг хувийн платформ компаниудтай хамтран үлдэгдэл вакцин байгаа ойролцоох вакцинжуулалт хийж буй газруудыг газрын зураг дээрээс тодруулж, тухайн өдөр захиалгаа өгөн вакцинд хамрагдах боломжтой болох юм байна.

Солонгосын засгийн газраас энэхүү арга хэмжээг авсанаар хаягдаж буй вакцины хэмжээг бууруулна гэсэн хүлээлттэй байна.

계속 “Naver, Kakao-гаар дамжуулан үлдэгдэл вакцины мэдээллийг хянан тухайн өдөр захиалга хийсний дараа вакцинд хамрагдах боломж” 읽기

Солонгос улсын Гадаад хэргийн яамнаас гадаад руу аялалаар явахыг анхааруулсан тусгай зөвлөмжөө 5 дахь удаагаа сунгалаа

Тавдугаар сарын 14-нд Солонгосын Гадаад хэргийн яамнаас дэлхийн бүх улс оронд  аялалаар явахыг анхааруулсан тусгай зөвлөмжөө 6-р сарын 15-ны өдрийг хүртэл сунгалаа.

Тус яамнаас гадаадад аялахаар төлөвлөж буй иргэдийг аялалаа цуцлах эсвэл хойшлуулах, гадаадад оршин суугаа иргэдээ эрүүл ахуйн дүрэм журмыг сахих зэрэг хувийн аюулгүй байдалд анхаарлаа хандуулахыг уриалав.

Дээрх тусгай зөвлөмжийг өнгөрсөн оны гуравдугаар сарын 23-нд анх гаргасан бөгөөд ийнхүү сунгасаар иржээ.

계속 “Солонгос улсын Гадаад хэргийн яамнаас гадаад руу аялалаар явахыг анхааруулсан тусгай зөвлөмжөө 5 дахь удаагаа сунгалаа” 읽기

Сөүл хотод бага, дунд, ахлах ангид суралцдаг 560,000 сурагчид 100,000 воны хоолны ваучер олгоно

Сөүл хотын боловсролын газраас тавдугаар сараас эхлэн Сөүл хотод байрлалтай бага, дунд, ахлах сургуульд сурагчдад хүсэлт гаргасан тохиолдолд нэг хүний 100,000 воны эрх бүхий хоолны ваучер олгохоор болжээ.

Тавдугаар сарын 10-ны өдөр Сөүл хотын Боловсролын газраас онлайн сургалтанд хамрагдаж байгаа сурагчдын өдрийн хоолоо идэх нөхцлийг дээшлүүлэх, эцэг эхэд ирэх санхүүгийн ачааллыг бууруулахын тулд Сөүл хотын 25 дүүрэг, Солонгосын 24 цагийн дэлгүүрүүдийн холбоо зэрэгтэй хамтран хоолны ваучерын дэмжлэг үзүүлэхээр болсон тухай зарлалаа.

Энэхүү ваучер авах хүсэлтийг танхимын сургалтанд бус онлайн сургалтанд хамрагдаж байгаа бага, дунд, ахлах ангийн 560,000 сурагч гаргах боломжтой юм байна..

Одоо танхимаар хичээллэж байгаа бага сургуулийн 1,2-р анги, ахлах сургуулийн 3-р анги, хоолны мөнгөний дэмжлэг авдаг болон хүүхдийн хоолны картанд хамрагддаг орлого багатай өрхийн сурагчид үүнд хамрагдах боломжгүй.

Хүсэлт гаргах тохиолдолд нэг хүний 100,000 воны Zero Pay пойнтыг 14-өөс дээш насны сурагч эсвэл эцэг эхийн гар утсанд Zero Pay платформоор дамжуулан олгоно..Тус пойнтыг GS25, CU, 7-Eleven, Ministop зэрэг 24 цагийн 6 сүлжээ дэлгүүрт ашиглаж болно.

Ваучераар худалдаж авах боломжтой хүнсний бүтээгдэхүүнийг 10 хүнсний төрлөөр хязгаарлах юм байна.

계속 “Сөүл хотод бага, дунд, ахлах ангид суралцдаг 560,000 сурагчид 100,000 воны хоолны ваучер олгоно” 읽기

Цахилгаан кикборд ашиглахад жолооны үнэмлэх болон хамгаалалтын малгай зайлшгүй … зөрчсөн тохиолдолд торгууль

Тавдугаар сарын 13-ны өдрөөс эхлэн цахилгаан кикбордыг зөвхөн жолооны үнэмлэхтэй иргэд унах боломжтой болж байгаа бөгөөд хамгаалалтын малгай өмсөхийг үүрэгжүүлжээ.

Энэ сарын 11-ны өдөр Газар нутаг дэд бүтэц тээврийн яам болон Төрийн захиргаа аюулгүй байдлын яам, Цагдаагийн Ерөнхий газар зэрэг холбогдох газруудаас цахилгаан кикборд зэрэг хувийн хөдөлгөөнт төхөөрөмж ашиглахтай холбоотой Замын хөдөлгөөний тухай хуулийг шинэчилсэн бөгөөд 13-ны өдрөөс эхлэн хэрэгжиж эхэлнэ.

Шинэчилсэн найруулгын дагуу хувийн хөдөлгөөнт төхөөрөмжийг ‘хоёрдугаар зэрэглэлийн үнэмлэх буюу мотоцикл унах эрх-’гүй хүн жолоодсон тохиолдолд 100,000 воны торгууль ногдуулахаар заагджээ.

Хамгаалалтын малгай зүүгээгүй бол 20,000 вон, хоёр ба түүнээс дээш хүн унасан тохиолдолд 40,000 воны торгууль ногдуулна.

계속 “Цахилгаан кикборд ашиглахад жолооны үнэмлэх болон хамгаалалтын малгай зайлшгүй … зөрчсөн тохиолдолд торгууль” 읽기

Бурхан багшийн мэндэлсэн өдөр 514 хоригдол өршөөлд хамруулна

Бурхан багшийн мэндэлсэн өдөр 500 гаруй хоригдлыг өршөөлд хамруулахаар болжээ.

Хууль сахиулагчдын мэдээлснээр улсын хэмжээнд 54 засан хүмүүжүүлэх байгууллагын 514 хүнийг Бурхан багшийн мэндэлсэн өдөр буюу 19-ний өдөр өршөөлөөр суллахаар төлөвлөж байна.

Цагдан хорих шийтгэлээс чөлөөлөлгүйгээр зөвхөн хоригдохоос чөлөөлөх бөгөөд тодорхой хугацаанд хорих ял эдэлж байсан хүмүүс хамрагдана.

Хууль зүйн яамнаас ‘хугацаанаас өмнө суллах шалгуур үзүүлэлтийг бууруулах” бодлогыг ирэх долдугаар сараас эхлэн мөрдөж эхэлнэ.

Дээрх бодлого хэрэгжиж шалгуур үзүүлэлт бууруулснаар 10 хувь нь нэмэлтээр хамрагдана хэмээн Хууль зүйн яамнаас тооцоолж байна.

계속 “Бурхан багшийн мэндэлсэн өдөр 514 хоригдол өршөөлд хамруулна” 읽기

Солонгосын хөгжлийн хүрээлэн энэ оны Солонгосын эдийн засгийн төлөв байдлыг 3.1% → 3.8%

Солонгосын Хөгжлийн Хүрээлэн(KDI)-гээс сүүлийн үед Солонгосын экспортын өсөлт нэмэгдэж байгааг харгалзан энэ жилийн эдийн засгийн өсөлтийг 3.8% болно хэмээн таамаглаж байна. Олон улсад нефтийн бүтээгдэхүүний үнэ огцом өссөнтэй холбоотойгоор хэрэглээний үнийн өсөлтийг 1.7% болно гэж таамаглан дэвшүүлж буй тооцоо юм.

KDI-гээс тавдугаар сарын 13-ны өдөр Солонгосын энэ оны эхний хагас жилийн эдийн засгийн төлөв байдлын урьдчилсан таамгийг 3.8% гэж тодорхойлсон нь өнгөрсөн оны 11-р сард зарласан 3.1% -иас 0.7 пунктээр өндөр байна.

KDI-гийн урьдчилсан тооцоо нь ОУВС 3.6%, OECD 3.3%, Азийн хөгжлийн банк зэрэг олон улсын томоохон байгууллагуудын таамаглалаас давсан боловч Солонгосын Санхүүгийн Судалгааны Хүрээлэн 4.1%, JPMorgan 4.7% -ы таамаглалаас доогуур байгаа бөгөөд засгийн газрын зорилт 4%-д ч хүрэхгүй байна.

계속 “Солонгосын хөгжлийн хүрээлэн энэ оны Солонгосын эдийн засгийн төлөв байдлыг 3.1% → 3.8%” 읽기

Ковидын халдвар аваад тусгаарлалт зөрчсөн 50 настай иргэнд 6 сар хорих ял

Тусгаарлалтын хугацаандаа хорио цээрийн бүсээс гарч танилтайгаа уулзан маргааш нь ковидтой болох нь батлагдсан 50 орчим насны эмэгтэйд хорих ял оноосон байна.

Тавдугаар сарын 13-ны өдрийн шүүхийн шийдвэрийн дагуу Сөүлийн Зүүн бүсийн шүүхээс түүнд халдварт өвчнөөс урьдчилан сэргийлэх хяналт тавих тухай хуулийг зөрчсөн хэрэгт буруутган 6 сар хорих ял оноосон байна.

Өнгөрсөн оны долоодугаар сард иргэн А-д хорио цээрийн байгууллагаас өөрийгөө тусгаарлах тухай мэдэгдсэн боловч мэдэгдэл авсан өдрийнхөө 20 цагийн орчимд гэрээсээ гарч, Сунпа дүүрэгт байх нарийн боовны газар танилтайгаа уулзан маргааш нь ковидын халдвартай болох нь батлагджээ.

Үүнээс гадна тэрээр нь хорио цээрийн дэглэм тогтоохоос өмнөх өөрийн явсан газруудаа хуурамчаар мэдүүлсэн нь мөн тогтоогджээ.

Шүүхээс ял оноож буй шалтгааныг хорио цээрийн үеэр авах арга хэмжээ үйл ажиллагаанд төөрөгдөл үүсгэж, хүн хүч, төсөв мөнгийг үр ашиггүй зарцуулж, халдварт өвчин тархах эрсдлийг нэмэгдүүлсэн гэж тайлбарлав.

Тэрээр анхан шатны шүүхээс гаргасан шийдвэрийг эсэргүүцэн давж заалдах бичиг хүргүүлжээ.

계속 “Ковидын халдвар аваад тусгаарлалт зөрчсөн 50 настай иргэнд 6 сар хорих ял” 읽기

“Лалын шашинтнуудыг үл тоомсорлож болохгүй” гэсэн бичиг Францын элчин сайдын яамны гадаа наасан 2 хүнд тэнсэн харгалзах шийтгэл

Солонгост суугаа Франц улсын элчин сайдын яамны ханан дээр “Мусульманчуудыг доромжилж болохгүй” гэх мэт заналхийлсэн агуулгатай хуудас наагаад баривчлагдсан хоёр мусульман иргэний анхан шатны шүүх хуралдаанаас тэнсэн харгалзах ял оноожээ.

Тавдугаар сарын 12-ны өдөр Сөүлийн Баруун хэсгийн шүүхээс Гадаадын элч төлөөлөгчийг заналхийлсэн хэргээр шүүхэд шилжүүлэн ОХУ-ын иргэн А, Киргиз улсын иргэн Б нарт тус бүр зургаан сар хорих, нэг жилийн тэнсэн харгалзах ял оноожээ.

Тэд өнгөрсөн оны арваннэгдүгээр сарын 1-ний 22.00 цагийн орчим Сөүл дэх Францын ЭСЯ-ны болон ойролцоох барилгын ханан дээр А4 хэмжээтэй дөрвөн хуудас наагаад зугтсан хэргээр баривчлагджээ.

Тэдний наасан хуудсан дээр “Лалын шашинтнуудыг үл тоомсорлож болохгүй”, “Хэн сэлэм шиднэ, тэр сэлмэнд алагдах болно” гэх мэт үгс бичигдсэн байжээ.

Шүүхээс тэдний үйлдлийг Солонгост суугаа Франц улсын Элчин сайдыг биш тус элчин сайдын яамны ажилтнууд зэрэг холбогдох албан тушаалтнуудыг заналхийлсэн гэдгийг тогтоожээ. Тэднийг гадаадын элч төлөөлөгчдийг заналхийлсэн гэсэн зүйл ангиар буруутгаж байсныг хэрэгсэхгүй болгож бусдыг заналхийлсэн үйлдэлд буруутгаж ял оноожээ.

Шүүхээс тэнсэн харгалзах ял авсаны дагуу баривчлагдан хоригдож байсан тэднийг тухайн өдөр суллажээ.

계속 ““Лалын шашинтнуудыг үл тоомсорлож болохгүй” гэсэн бичиг Францын элчин сайдын яамны гадаа наасан 2 хүнд тэнсэн харгалзах шийтгэл” 읽기