Сөүл хотод бага, дунд, ахлах ангид суралцдаг 560,000 сурагчид 100,000 воны хоолны ваучер олгоно

Сөүл хотын боловсролын газраас тавдугаар сараас эхлэн Сөүл хотод байрлалтай бага, дунд, ахлах сургуульд сурагчдад хүсэлт гаргасан тохиолдолд нэг хүний 100,000 воны эрх бүхий хоолны ваучер олгохоор болжээ.

Тавдугаар сарын 10-ны өдөр Сөүл хотын Боловсролын газраас онлайн сургалтанд хамрагдаж байгаа сурагчдын өдрийн хоолоо идэх нөхцлийг дээшлүүлэх, эцэг эхэд ирэх санхүүгийн ачааллыг бууруулахын тулд Сөүл хотын 25 дүүрэг, Солонгосын 24 цагийн дэлгүүрүүдийн холбоо зэрэгтэй хамтран хоолны ваучерын дэмжлэг үзүүлэхээр болсон тухай зарлалаа.

Энэхүү ваучер авах хүсэлтийг танхимын сургалтанд бус онлайн сургалтанд хамрагдаж байгаа бага, дунд, ахлах ангийн 560,000 сурагч гаргах боломжтой юм байна..

Одоо танхимаар хичээллэж байгаа бага сургуулийн 1,2-р анги, ахлах сургуулийн 3-р анги, хоолны мөнгөний дэмжлэг авдаг болон хүүхдийн хоолны картанд хамрагддаг орлого багатай өрхийн сурагчид үүнд хамрагдах боломжгүй.

Хүсэлт гаргах тохиолдолд нэг хүний 100,000 воны Zero Pay пойнтыг 14-өөс дээш насны сурагч эсвэл эцэг эхийн гар утсанд Zero Pay платформоор дамжуулан олгоно..Тус пойнтыг GS25, CU, 7-Eleven, Ministop зэрэг 24 цагийн 6 сүлжээ дэлгүүрт ашиглаж болно.

Ваучераар худалдаж авах боломжтой хүнсний бүтээгдэхүүнийг 10 хүнсний төрлөөр хязгаарлах юм байна.

계속 “Сөүл хотод бага, дунд, ахлах ангид суралцдаг 560,000 сурагчид 100,000 воны хоолны ваучер олгоно” 읽기

Цахилгаан кикборд ашиглахад жолооны үнэмлэх болон хамгаалалтын малгай зайлшгүй … зөрчсөн тохиолдолд торгууль

Тавдугаар сарын 13-ны өдрөөс эхлэн цахилгаан кикбордыг зөвхөн жолооны үнэмлэхтэй иргэд унах боломжтой болж байгаа бөгөөд хамгаалалтын малгай өмсөхийг үүрэгжүүлжээ.

Энэ сарын 11-ны өдөр Газар нутаг дэд бүтэц тээврийн яам болон Төрийн захиргаа аюулгүй байдлын яам, Цагдаагийн Ерөнхий газар зэрэг холбогдох газруудаас цахилгаан кикборд зэрэг хувийн хөдөлгөөнт төхөөрөмж ашиглахтай холбоотой Замын хөдөлгөөний тухай хуулийг шинэчилсэн бөгөөд 13-ны өдрөөс эхлэн хэрэгжиж эхэлнэ.

Шинэчилсэн найруулгын дагуу хувийн хөдөлгөөнт төхөөрөмжийг ‘хоёрдугаар зэрэглэлийн үнэмлэх буюу мотоцикл унах эрх-’гүй хүн жолоодсон тохиолдолд 100,000 воны торгууль ногдуулахаар заагджээ.

Хамгаалалтын малгай зүүгээгүй бол 20,000 вон, хоёр ба түүнээс дээш хүн унасан тохиолдолд 40,000 воны торгууль ногдуулна.

계속 “Цахилгаан кикборд ашиглахад жолооны үнэмлэх болон хамгаалалтын малгай зайлшгүй … зөрчсөн тохиолдолд торгууль” 읽기

Бурхан багшийн мэндэлсэн өдөр 514 хоригдол өршөөлд хамруулна

Бурхан багшийн мэндэлсэн өдөр 500 гаруй хоригдлыг өршөөлд хамруулахаар болжээ.

Хууль сахиулагчдын мэдээлснээр улсын хэмжээнд 54 засан хүмүүжүүлэх байгууллагын 514 хүнийг Бурхан багшийн мэндэлсэн өдөр буюу 19-ний өдөр өршөөлөөр суллахаар төлөвлөж байна.

Цагдан хорих шийтгэлээс чөлөөлөлгүйгээр зөвхөн хоригдохоос чөлөөлөх бөгөөд тодорхой хугацаанд хорих ял эдэлж байсан хүмүүс хамрагдана.

Хууль зүйн яамнаас ‘хугацаанаас өмнө суллах шалгуур үзүүлэлтийг бууруулах” бодлогыг ирэх долдугаар сараас эхлэн мөрдөж эхэлнэ.

Дээрх бодлого хэрэгжиж шалгуур үзүүлэлт бууруулснаар 10 хувь нь нэмэлтээр хамрагдана хэмээн Хууль зүйн яамнаас тооцоолж байна.

계속 “Бурхан багшийн мэндэлсэн өдөр 514 хоригдол өршөөлд хамруулна” 읽기

Солонгосын хөгжлийн хүрээлэн энэ оны Солонгосын эдийн засгийн төлөв байдлыг 3.1% → 3.8%

Солонгосын Хөгжлийн Хүрээлэн(KDI)-гээс сүүлийн үед Солонгосын экспортын өсөлт нэмэгдэж байгааг харгалзан энэ жилийн эдийн засгийн өсөлтийг 3.8% болно хэмээн таамаглаж байна. Олон улсад нефтийн бүтээгдэхүүний үнэ огцом өссөнтэй холбоотойгоор хэрэглээний үнийн өсөлтийг 1.7% болно гэж таамаглан дэвшүүлж буй тооцоо юм.

KDI-гээс тавдугаар сарын 13-ны өдөр Солонгосын энэ оны эхний хагас жилийн эдийн засгийн төлөв байдлын урьдчилсан таамгийг 3.8% гэж тодорхойлсон нь өнгөрсөн оны 11-р сард зарласан 3.1% -иас 0.7 пунктээр өндөр байна.

KDI-гийн урьдчилсан тооцоо нь ОУВС 3.6%, OECD 3.3%, Азийн хөгжлийн банк зэрэг олон улсын томоохон байгууллагуудын таамаглалаас давсан боловч Солонгосын Санхүүгийн Судалгааны Хүрээлэн 4.1%, JPMorgan 4.7% -ы таамаглалаас доогуур байгаа бөгөөд засгийн газрын зорилт 4%-д ч хүрэхгүй байна.

계속 “Солонгосын хөгжлийн хүрээлэн энэ оны Солонгосын эдийн засгийн төлөв байдлыг 3.1% → 3.8%” 읽기

Ковидын халдвар аваад тусгаарлалт зөрчсөн 50 настай иргэнд 6 сар хорих ял

Тусгаарлалтын хугацаандаа хорио цээрийн бүсээс гарч танилтайгаа уулзан маргааш нь ковидтой болох нь батлагдсан 50 орчим насны эмэгтэйд хорих ял оноосон байна.

Тавдугаар сарын 13-ны өдрийн шүүхийн шийдвэрийн дагуу Сөүлийн Зүүн бүсийн шүүхээс түүнд халдварт өвчнөөс урьдчилан сэргийлэх хяналт тавих тухай хуулийг зөрчсөн хэрэгт буруутган 6 сар хорих ял оноосон байна.

Өнгөрсөн оны долоодугаар сард иргэн А-д хорио цээрийн байгууллагаас өөрийгөө тусгаарлах тухай мэдэгдсэн боловч мэдэгдэл авсан өдрийнхөө 20 цагийн орчимд гэрээсээ гарч, Сунпа дүүрэгт байх нарийн боовны газар танилтайгаа уулзан маргааш нь ковидын халдвартай болох нь батлагджээ.

Үүнээс гадна тэрээр нь хорио цээрийн дэглэм тогтоохоос өмнөх өөрийн явсан газруудаа хуурамчаар мэдүүлсэн нь мөн тогтоогджээ.

Шүүхээс ял оноож буй шалтгааныг хорио цээрийн үеэр авах арга хэмжээ үйл ажиллагаанд төөрөгдөл үүсгэж, хүн хүч, төсөв мөнгийг үр ашиггүй зарцуулж, халдварт өвчин тархах эрсдлийг нэмэгдүүлсэн гэж тайлбарлав.

Тэрээр анхан шатны шүүхээс гаргасан шийдвэрийг эсэргүүцэн давж заалдах бичиг хүргүүлжээ.

계속 “Ковидын халдвар аваад тусгаарлалт зөрчсөн 50 настай иргэнд 6 сар хорих ял” 읽기

“Лалын шашинтнуудыг үл тоомсорлож болохгүй” гэсэн бичиг Францын элчин сайдын яамны гадаа наасан 2 хүнд тэнсэн харгалзах шийтгэл

Солонгост суугаа Франц улсын элчин сайдын яамны ханан дээр “Мусульманчуудыг доромжилж болохгүй” гэх мэт заналхийлсэн агуулгатай хуудас наагаад баривчлагдсан хоёр мусульман иргэний анхан шатны шүүх хуралдаанаас тэнсэн харгалзах ял оноожээ.

Тавдугаар сарын 12-ны өдөр Сөүлийн Баруун хэсгийн шүүхээс Гадаадын элч төлөөлөгчийг заналхийлсэн хэргээр шүүхэд шилжүүлэн ОХУ-ын иргэн А, Киргиз улсын иргэн Б нарт тус бүр зургаан сар хорих, нэг жилийн тэнсэн харгалзах ял оноожээ.

Тэд өнгөрсөн оны арваннэгдүгээр сарын 1-ний 22.00 цагийн орчим Сөүл дэх Францын ЭСЯ-ны болон ойролцоох барилгын ханан дээр А4 хэмжээтэй дөрвөн хуудас наагаад зугтсан хэргээр баривчлагджээ.

Тэдний наасан хуудсан дээр “Лалын шашинтнуудыг үл тоомсорлож болохгүй”, “Хэн сэлэм шиднэ, тэр сэлмэнд алагдах болно” гэх мэт үгс бичигдсэн байжээ.

Шүүхээс тэдний үйлдлийг Солонгост суугаа Франц улсын Элчин сайдыг биш тус элчин сайдын яамны ажилтнууд зэрэг холбогдох албан тушаалтнуудыг заналхийлсэн гэдгийг тогтоожээ. Тэднийг гадаадын элч төлөөлөгчдийг заналхийлсэн гэсэн зүйл ангиар буруутгаж байсныг хэрэгсэхгүй болгож бусдыг заналхийлсэн үйлдэлд буруутгаж ял оноожээ.

Шүүхээс тэнсэн харгалзах ял авсаны дагуу баривчлагдан хоригдож байсан тэднийг тухайн өдөр суллажээ.

계속 ““Лалын шашинтнуудыг үл тоомсорлож болохгүй” гэсэн бичиг Францын элчин сайдын яамны гадаа наасан 2 хүнд тэнсэн харгалзах шийтгэл” 읽기

Байнгын оршин суух зөвшөөрөлтэй гадаад иргэний Солонгост төрсөн хүүхэд тус улсын иргэншил авах нөхцлийг хялбаршуулахаар

Байнгын оршин суух визтэй гадаад иргэдийн Солонгос улсад төрсөн хүүхдүүд БНСУ-ын иргэншил авах боломжтой болгохуйц иргэншлийн хуульд өөрчлөлт оруулахаар болжээ.

Дөрөвдүгээр сарын 26-ны өдөр Хууль зүйн яамнаас Иргэншлийн тухай хуулинд хэсэгчлэн нэмэлт өөрчлөлт оруулахаар болсны дагуу Солонгос улсад байнгын оршин суух эрх бүхий гадаад иргэдийн Солонгос улсад төрсөн хүүхэд Хууль зүйн сайдад өргөдөл гаргаснаар иргэншил авах боломжтой болох юм байна.

Өнөөг хүртэл байнгын оршин суугч гадаад иргэдийн хүүхдүүд эцэг эх нь Солонгосын иргэншил аваагүй бол насанд хүрсэн хойноо иргэншил авах хүсэлт гаргах нөхцөлтэй байсныг хуулинд шинэчлэл хийснээр 6 наснаас доош бол тусгай нөхцөл шаардахгүйгээр, 7-оос дээш настай бол тус улсад 5-аас дээш жил оршин суусан тохиолдолд иргэншил авах өргөдөл гаргах боломжтой болохнээ.

Түүнчлэн харьяалалаас хасах зөвшөөрлийн тогтолцоог шинэчлэн тухайн хүнд хариуцлага хүлээлгэхэд хүндрэлтэй шалтгаантай БНСУ-ын харьяатаас гарч чадахгүй байгаагаас ихээхэн хохирол амсахаар байгаа тохиолдолд Хууль зүйн сайдаас зөвшөөрөл аван солонгосын иргэншлээсээ татгалзах боломжтой болж байна.

계속 “Байнгын оршин суух зөвшөөрөлтэй гадаад иргэний Солонгост төрсөн хүүхэд тус улсын иргэншил авах нөхцлийг хялбаршуулахаар” 읽기

Хөдөө аж ахуй, загасны аж ахуйд ажилладаг 10 хүний 4 нь ахмад настан

Солонгост хөдөө аж ахуй, загасны аж ахуйн салбарт ажил хөдөлмөр эрхэлдэг арван хүн тутмын дөрөв нь 65 ба түүнээс дээш настай байгаагаар судалгаагаар гарчээ.

Үндэсний статистикийн хорооноос дөрөвдүгээр сарын 27-нд гаргасан 2020 оны хөдөө аж ахуй, ой, загас агнуурын салбарын ерөнхий судалгааны дүнгээс үзэхэд дотоодын хөдөө аж ахуй, ойн аж ахуй, загас агнуурын салбарт ажиллагсад дунд ахмад настан 42.1% -тай байгаа нь 2015 онд хийгдсэн өмнөх судалгаанаас 4.3 пунктээр өссөн үзүүлэлттэй байна.

Энэ тоо нийт хүн амд эзлэх өндөр настны харьцаа 15.7% -иас 2.7 дахин их байгаа нь Үндэсний статистикийн хорооноос судалгаа хийж эхлэснээс хойш гарсан хамгийн өндөр гарчээ.

2020 оны арванхоёрдугаар сарын байдлаар хөдөө аж ахуй, ой, загас агнуурын салбарт ажиллагсадын тоо 2.644 мянга байгаа бөгөөд 2015 оныхоос 9.5%-иар, нийт хүн амд эзлэх хувь 0.6 пунктээр буурсан буюу 5.1%-тай байна.

계속 “Хөдөө аж ахуй, загасны аж ахуйд ажилладаг 10 хүний 4 нь ахмад настан” 읽기

Гадаад оюутнууд өндөр орлоготой хууль бус цагийн ажил хийхээс болгоомжил

Солонгост хууль бус цагийн ажил хийж байгаад баривчлагдсан гадаад оюутны тухай Индонезийн орон нутгийн хэвлэл мэдээллээр мэдээлэв.

Мэдээллийн дагуу өнгөрсөн нэгдүгээр сард Индонез оюутан А-г дуут фишинг гэмт хэрэг үйлдсэн хэмээн цагдаагийнхан баривчилжээ.

Тэрээр дуут фишинг үйлддэг гэмт хэргийн бүлэглэлээс санал болгосон өндөр цалинтай цагийн ажлын зарын дагуу тухайн газар очсон бөгөөд бэлэн мөнгө хүргэх ажил хийж байжээ.

Түүний хүргэлт хийсэн мөнгөний хэмжээ 36 сая вон бөгөөд одоо А Чунчон хотын шоронд шүүх хурлаа хүлээж байгаа гэсэн мэдээлэл байна.

Гадаадын оюутнууд хууль эрх зүйн хүрээнд зөвшөөрөгдсөн салбарт цагийн ажил хийх ёстой бөгөөд дуут фишинг, спам мессеж зэрэг гэмт хэрэгт өртөхөөс болгоомжилно уу.

계속 “Гадаад оюутнууд өндөр орлоготой хууль бус цагийн ажил хийхээс болгоомжил” 읽기