ជ័យជំនះនៃជនភៀសខ្លួនជនជាតិអាហ្វ្រិកដែលចំណាយអស់រយៈពេលជាង១ឆ្នាំ ​នៃភាពគ្មានផ្ទះសម្បែងនៅឯព្រលានយន្តហោះ

ជនជាតិអាហ្រ្វិកម្នាក់ដែលបានចំណាយពេល ១៤ ខែនៅឯព្រលានយន្តហោះបានទទួលជោគជ័យ ក្រោយការ ឈ្នះបណ្តឹងប្រឆាំងនឹងក្រសួងយុត្តិធម៌​​ដែលបានបដិសេធមិនទទួលការដាក់ពាក្យសុំជាជនភៀសខ្លួន។

យោងតាមតុលាការក្រោយការជំនំុជំរះ នៅថ្ងៃទី ១៧ ខែឧសភា អគ្គនាយកដ្ឋានអន្តោប្រវេសន៍នៃអាកាសយានដ្ឋានអន្តរជាតិអ៊ិនឈុនរបស់នៃក្រសួងយុត្តិធម៌ មិនបានប្តឹងឧទ្ធរណ៍ចំពោះការសម្រេចរបស់តុលាការជាន់ខ្ពស់ទីក្រុងសេអ៊ូលនោះទេ ដែលជាបណ្ដឹងរបស់ក្រសួងយុត្តិធម៌ដែលប្តឹងដោយលោកអេ កាលពីថ្ងៃទី ២១ ខែមេសា។

លោក អេ បានព្យាយាមដាក់ពាក្យសុំជាជនភៀសខ្លួនបន្ទាប់លោកពីបានទៅដល់អាកាសយានដ្ឋានអន្តរជាតិអ៊ិនឈុន ដោយអះអាងថាលោកបានទទួលរងនូវការធ្វើទុក្ខបុកម្នេញផ្នែកនយោបាយនៅក្នុងប្រទេសរបស់ខ្លួនកាលពី ខែកុម្ភៈឆ្នាំមុន ប៉ុន្តែក្រសួងយុត្តិធម៌បានបដិសេធចំពោះការដាក់ពាក្យសុំនេះ ពីព្រោះគោលដៅនៃហោះហើរចុងក្រោយមិនមែនជាប្រទេសកូរ៉េនោះទេ។

អស់រយៈពេលជាងមួយឆ្នាំ ចំពោះការស្នាក់នៅក្នុងទីតាំងផ្ទេរជើងយន្ដហោះរបស់អាកាសយានដ្ឋានអ៊ីនឈុន លោក អេ បានទទួលជោគជ័យក្រោយពីការស្រាវជ្រាវរបស់តុលាការសាលាដំបូងនិង​​សាលាឧទ្ធរណ៍​បានសម្រេចថាវាជាការខុសច្បាប់ដែលក្រសួងយុត្តិធម៌ដែលបានបដិសេធមិនទទួលយកពាក្យស្នើរសុំជនភៀសខ្លួនរបស់លោក។

계속 “ជ័យជំនះនៃជនភៀសខ្លួនជនជាតិអាហ្វ្រិកដែលចំណាយអស់រយៈពេលជាង១ឆ្នាំ ​នៃភាពគ្មានផ្ទះសម្បែងនៅឯព្រលានយន្តហោះ” 읽기

ការចាក់វ៉ាក់សាំងអាចធ្វើឡើងនៅចំថ្ងៃចាក់វ៉ាក់សាំង ចំពោះដែលនៅសល់ហើយអាចធ្វើការកក់តាមរយៈ Naver / Kakao

គេរំពឹងថាបរិមាណវ៉ាក់សាំងកូវីត ១៩ ដែលនៅសេសសល់អាចធ្វើការកក់ចំថ្ងៃ ពេលដែលភ្នាក់ងារចាក់វ៉ាក់សាំងដែលនៅក្បែរមូលដ្ឋាន តាមរយៈ Naver / Kakao។

នៅថ្ងៃទី ១៤ ខែឧសភា រដ្ឋាភិបាលកូរ៉េបានប្រកាសថា“ ចាប់ពីថ្ងៃទី ២៧ ខែឧសភាយើងគ្រោងនឹងបើក ប្រព័ន្ធមួយដែលអនុញ្ញាតឱ្យ អ្នកមិនទាន់ទទួលបានវ៉ាក់សាំងនិងអាចចាក់វ៉ាក់សាំងបន្ទាប់ពីការលុបចោលការកក់​” ។

ប្រព័ន្ធអនុញ្ញាតនេះបានផ្ដល់ព័ត៌មាននូវចំនួនវ៉ាក់សាំងដែលសល់រាល់គ្រប់ការិយាល័យចាក់វ៉ាក់សាំង ​ដោយមាន កិច្ចសហការជាមួយបណ្ដាញទំនាក់ទំនងឯកជនដែលប្រើច្រើនដូចជា Naver និង Kakao ហើយយើងអាចទទួលការចាក់វ៉ាក់សាំងក្នុងថ្ងៃដដែលនោះផងដែរ។

រដ្ឋាភិបាលកូរ៉េរំពឹងថានឹងមានកាត់បន្ថយចំនួនវ៉ាក់សាំងដែលត្រូវបានបោះបង់ចោលតាមរយៈប្រព័ន្ធអនុញ្ញាតនេះ។

계속 “ការចាក់វ៉ាក់សាំងអាចធ្វើឡើងនៅចំថ្ងៃចាក់វ៉ាក់សាំង ចំពោះដែលនៅសល់ហើយអាចធ្វើការកក់តាមរយៈ Naver / Kakao” 읽기

ក្រសួងការបរទេសកូរ៉េធ្វើការពន្យារពេលចំពោះការធ្វើដំណើរពិសេសទៅជំុវិញពិភពលោកលើកទី ៥

នៅថ្ងៃទី ១៤ ឧសភា ក្រសួងការបរទេសកូរ៉េបានធ្វើការពន្យារពេលចំពោះការធ្វើដំណើរពិសេស​​ ថ្មាក់ប្រទេសនិងថ្នាក់តំបន់ទាំងអស់​ ជុំវិញពិភពលោករហូតដល់ថ្ងៃទី ១៥ ខែមិថុនា។

ក្រសួងការបរទេសបានជំរុញឱ្យពលរដ្ឋលុបចោលឬពន្យារពេលចំពោះគម្រោងធ្វើដំណើរទៅបរទេស ហើយត្រូវយកចិត្តទុកដាក់លើសុវត្ថិភាពផ្ទាល់ខ្លួនដូចជាការគោរពច្បាប់អនាម័យជាប្រចាំ និងជាពិសេសសម្រាប់ពលរដ្ឋដែលស្នាក់នៅបរទេស។

ការធ្វើដំណើរពិសេសណាមួយដែលបានអនុញ្ញាតនៅថ្ងៃទី ២៣ ខែមីនាឆ្នាំមុនកំពុងបន្តការពន្យារពេលរហូតមកដល់ពេលនេះ។

계속 “ក្រសួងការបរទេសកូរ៉េធ្វើការពន្យារពេលចំពោះការធ្វើដំណើរពិសេសទៅជំុវិញពិភពលោកលើកទី ៥” 읽기

ការផ្តល់ប្រាក់ឧបត្ថម្ភអាហារចំនួន ១០ម៉ឺនវ៉ុន របស់សាលាក្រុងសេអ៊ូលសម្រាប់សិស្សបឋមនិងមធ្យមសិក្សាចំនួន 56ម៉ឺននាក់

ចាប់ពីខែឧសភាការិយាល័យអប់រំក្រុងសេអ៊ូលបានសម្រេចផ្តល់ប័ណ្ណប្រាក់អាហារដែលមានតម្លៃ ១០ម៉ឺនវ៉ុន សម្រាប់សិស្សបឋមសិក្សា មធ្យមសិក្សានិងវិទ្យាល័យនៅទីក្រុងសេអ៊ូលក្នុងសិស្សម្នាក់ៗ ទោះបីជាពួកគាត់កំពុងសិក្សានៅតំបន់ដាច់ស្រេយាលក៏ដោយ។

នៅថ្ងៃទី ១០ ខែឧសភា ការិយាល័យអប់រំក្រុងសេអ៊ូលបានប្រកាសថាខ្លួនកំពុងធ្វើការជាមួយរដ្ឋបាលទីក្រុងសេអ៊ូលនិងសហព័ន្ធ ២៥ ផ្សេងទៀតរួមទាំងសមាគមហាងទំនិញកូរ៉េដើម្បីជួយគាំទ្រប័ណ្ណឧបត្ថម្ភអាហារដើម្បីជួយកាត់បន្ថយការព្រួយបារម្ភអំពីកង្វះខាតស្បៀងនិងសម្រាលបន្ទុកឪពុកម្តាយរបស់សិស្សដែលមានទីលំនៅនៅដាច់ស្រយាល។

ប័ណ្ណឧបត្ថម្ភនេះផ្តល់ជូនសម្រាប់សិស្សបឋមសិក្សា មធ្យមសិក្សានិងវិទ្យាល័យប្រមាណ ៥៦ម៉ឺននាក់រួមទាំងកុមារដែលនៅតំបន់ដាច់ស្រយាលទោះជាមិនបានចូលរៀនក៏ដោយ។ សិស្សបឋមសិក្សា ឆ្នាំទី១ ឆ្នាំទី២ ឬក៏សិស្សវិទ្យាល័យឆ្នាំទី៣ដែលកំពុងតែរៀអាចទទួលបានប្រាក់អត្ថប្រយោជន៍នេះក៏ប៉ុន្តែ ចំពោះក្រីក្រសិស្សមកពីគ្រួសារដែលមានប្រាក់ចំណូលទាបពុំមានសិទ្ជិដែលមានសិទ្ធិទទួលបានប្រាក់អត្ថប្រយោជន៍នេះនេះទេ។

ដើម្បីទទួលបានប្រាក់ឧបត្ថមនេះអាចធ្វើការចុះឈ្មោះយកតាមរយ:ទូរសព្ទដៃសម្រាប់សិស្សដែលមានអាយុចាប់ពី ១៤ឆ្នាំ ឡើងប៉ុន្តែចំពោះសិស្សដែលមានវ័យក្រោម ១៤ឆ្នាំ មាតាបិតាសិស្សជាអ្នកចុះឈ្មោះជំនួស។

ប្រាក់ឧបត្ថម្ភដែលទទួលបានចំនួន ១០ម៉ឺនវ៉ុននេះអាចប្រើប្រាស់តាមម៉ាតទំនិញចំនួន៦រួមមាន GS25, CU, 7-Eleven និង Ministop ក៏ប៉ុន្តែប្រាក់ឧបត្ថម្ភនេះអាចទិញបានទំនិញចំនួនត្រឹម១០មុខប៉ុណ្ណោះរាល់ពេលទិញម្តង។

계속 “ការផ្តល់ប្រាក់ឧបត្ថម្ភអាហារចំនួន ១០ម៉ឺនវ៉ុន របស់សាលាក្រុងសេអ៊ូលសម្រាប់សិស្សបឋមនិងមធ្យមសិក្សាចំនួន 56ម៉ឺននាក់” 읽기

ការពិន័យបើសិនជាគ្មានប័ណ្ណបើកបរនិងមួកសុវត្ថិភាពពេលបើកបរកង់អគ្គិសនី

ចាប់ពីថ្ងៃទី ១៣ ខែឧសភាតទៅនេះមានតែអ្នកបើកបរដែលមានប័ណ្ណបើកបរតែប៉ុណ្ណោះដែលអាចប្រើកង់អគ្គិសនីហើយមួកសុវត្ថិភាពត្រូវពាក់នៅពេលបើកបរជាដាច់ខាត។

កាលពីថ្ងៃទី ១១ ខែឧសភានាយកដ្ឋានពាក់ព័ន្ធដូចជាក្រសួងដែនដីនិងដឹកជញ្ជូន ក្រសួងសាធារណៈការនិងសន្តិសុខ និងទីភ្នាក់ងារនគរបាលជាតិ បានប្រកាសកែសម្រួលច្បាប់ចរាចរណ៍ផ្លូវគោកដែល នឹងពង្រឹងសុវត្ថិភាពសម្រាប់អ្នកបើកបរ។ ជាឧបករណ៍សម្រាប់អ្នកប្រើប្រាស់កង់អគ្គិសនីនឹងចាប់ផ្តើមអនុវត្តច្បាប់នេះចាប់ពីថ្ងៃទី១៣តទៅ ។

យោងតាមវិសោធនកម្មច្បាប់មាត្រាទី២ខាងលើអ្នកដែលល្មើសនឹងត្រូវផាកពិន័យអតិបរិមាជាប្រាក់ចំនួន ១០ម៉ឺនវ៉ុន សម្រាប់អ្នកបើកដោយមិនមានប័ណ្ណបើកបរ។ នៅពេលបើកបរដោយមិនបានប្រើប្រាស់មួកសុវត្ថិភាពក៏ត្រូវផាកពិន័យចំនួន២ម៉ឺនវ៉ុនហើយចំពោះអ្នកដែលជិះកង់អគ្គិសនីចំនួន២នាក់ឡើងទៅនឹងត្រូវផាកពិន័យចំនួន៤ម៉ឺនវ៉ុនផងដែរ។

계속 “ការពិន័យបើសិនជាគ្មានប័ណ្ណបើកបរនិងមួកសុវត្ថិភាពពេលបើកបរកង់អគ្គិសនី” 읽기

ការដោះលែងអ្នកទោសចំនួន៥១៤នាក់ក្នុងថ្ងៃបុណ្យពិសាខបូជា

នៅថ្ងៃកំណើតរបស់ព្រះពុទ្ធ ឬ ថ្ងៃបុណ្យពិសាខបូជា អ្នកទោសជាង ៥០០ នាក់នឹងត្រូវបានដោះលែង។ យោងតាមមន្រ្តីអនុវត្តច្បាប់នៅថ្ងៃទី ១៣ ខែឧសភា ស្ថាប័នកែប្រែនិងនិតិសប្បទាចំនួន ៥៤ទីតាំង នៅទូទាំងប្រទេសគ្រោងនឹងដោះលែងអ្នកទោសចំនួន ៥១៤ នាក់នៅថ្ងៃទី ១៩ ចំថ្ងៃបុណ្យពិសាខបូជាខាងមុខ។

ការលើកលែងទោសនិងត្រូវឆ្លងកាត់ការត្រួតពិនិត្យតាមរយ:ការតាមដាន ចំពោះអ្នកទោសដែលបានបម្រើការងារក្នុងរយៈពេលជាក់លាក់មួយ ។
“ ការដោះលែងនិងលក្ខណៈវិនិច្ឆ័យ ក្នុងការត្រួតពិនិត្យការដោះលែង” ដែលនឹងផ្សព្វផ្សាយចេញដោយក្រសួងយុត្តិធម៌នឹងត្រូវអនុវត្តចាប់ពីខែកក្កដាខាងមុខ។
ក្រសួងយុត្តិធម៌ព្យាករថាអ្នកទោសប្រមាណ ១០ ភាគរយ​បន្ថែមទៀត នឹងត្រូវទទួលការបន្ធូរបន្ថយទោស។

계속 “ការដោះលែងអ្នកទោសចំនួន៥១៤នាក់ក្នុងថ្ងៃបុណ្យពិសាខបូជា” 읽기

កំណើនសេដ្ធកិច្ចកូរ៉េនឹងត្រូវកើនឡើងក្នុងឆ្នាំនេះពីចន្លោះ ៣.១% ទៅ៣.៨%តាមការព្យាករណ៍របស់KDI

វិទ្យាស្ថានអភិវឌ្ឍន៍កូរ៉េ (KDI) បានធ្វើការព្យាករណ៍ចំពោះកំណើនសេដ្ឋកិច្ចរបស់ខ្លួនដល់ ៣,៨% ក្នុងឆ្នាំនេះចំពោះការកែលម្អនាពេលថ្មីៗនេះចំពោះផលិតផលនាំចេញ។ នាពេលថ្មីៗនេះដោយសារតម្លៃប្រេងអន្តរជាតិឡើងថ្លៃទើបធ្វើអោយ ​កំណើនថ្លៃទំនិញប្រើប្រាស់កើនដល់ ១,៧%បើតាមការព្យាករណ៍ខាងលើ ។

តាមចក្ខុវិស័យសេដ្ឋកិច្ចសម្រាប់ឆមាសទី ១ ក្នុងឆ្នាំនេះដែលប្រកាសដោយវិទ្យាស្ថានអភិវឌ្ឍន៍កូរ៉េ (KDI)នៅថ្ងៃទី ១៣ ខែឧសភាកំណើនសេដ្ឋកិច្ចរបស់កូរ៉េគឺ ៣,៨% ស្មើរនិង០,៧ ភាគរយកើនខ្ពស់ជាងឆ្នាំមុនដែលមានត្រឹមតែ ៣,១% ដែលបានធៀវនឺងការប្រកាសកាលពីខែវិច្ឆិកា​​កន្លងទៅ។

ហើយការព្យាករណ៍នេះ KDI លើសពីស្ថាប័នអន្តរជាតិធំ ៗ ដូចជា IMF ៣,៦% OECD ៣,៣% និងធនាគារអភិវឌ្ឍន៍អាស៊ី ៣.៥% តែទាបជាងវិទ្យាស្ថានស្រាវជ្រាវហិរញ្ញវត្ថុកូរ៉េ ៤,១% និង JPMorgan ៤,៧% តែបើវាមិនដល់គោលដៅរដ្ឋាភិបាល ៤% ដែលបានគ្រោងទុកនៅឡើយទេ។

계속 “កំណើនសេដ្ធកិច្ចកូរ៉េនឹងត្រូវកើនឡើងក្នុងឆ្នាំនេះពីចន្លោះ ៣.១% ទៅ៣.៨%តាមការព្យាករណ៍របស់KDI” 읽기

ស្រ្តីអាយុ៥០ឆ្នាំម្នាក់ដែលកំពុងធ្វើចត្តាឡីស័កនឹងត្រូវផ្តន្ទារទោសអោយជាប់ពន្ធនាគាររយៈពេល ៦ ខែ

ស្រ្តីអាយុ៥០ឆ្នាំម្នាក់ដែលកំពុងធ្វើចត្តាឡីស័កបានចាកចេញពីទីតាំងហើយបានទៅជួបអ្នកស្គាល់គ្នាតែត្រូវបានគេធ្វើរោគវិនិច្ឆ័យថាមានវីរូសកូរ៉ូណា១៩ប្រភេទថ្មី នៅថ្ងៃបន្ទាប់ក៏ត្រូវបានកាត់ទោសឱ្យជាប់ពន្ធនាគារ។

កាលពីថ្ងៃទី ១៣ ខែឧសភាយោងតាមតុលាការក្រុងសេអ៊ូលបានកាត់ទោសស្រ្តីឈ្មោះ ក អាយុពី ៥០ ឆ្នាំអោយជាប់ក្នុងពន្ធនាគាររយះពេល ៦ ខែដែលត្រូវបានចោទប្រកាន់ពីបទរំលោភច្បាប់ការពារនិងគ្រប់គ្រងជំងឺឆ្លង។ កាលពីខែកក្កដាឆ្នាំមុនអ្នកស្រី ក ត្រូវបានជូនដំណឹងដោយអាជ្ញាធរឃុំឃាំងថាគាត់ត្រូវធ្វើចត្តាឡីស័កដោយខ្លួនឯង ប៉ុន្តែនៅថ្ងៃជូនដំណឹងនេះគាត់បានចាកចេញពីលំនៅដ្ឋានរបស់គាត់នៅម៉ោង ប្រហែល ៨ យប់ហើយបានជួបអ្នកស្គាល់គ្នានៅហាងនំបុ័ងមួយកន្លែងនៅតំបន់សុងប៉ា ក្រុងសេអ៊ូលនិងត្រូវបានបញ្ជាក់ថាគាត់មានឆ្លងវីរូសកូរ៉ូណា១៩​ប្រភេទថ្មី នៅថ្ងៃបន្ទាប់។

លើសពីនេះទៀតអ្នកស្រី ក បានធ្វើសេចក្តីថ្លែងការណ៍មិនពិតមួយទៅកាន់អាជ្ញាធរដាច់ដោយឡែកមុនពេលត្រូវបានដាក់ឃុំឃាំង។
តុលាការបានពន្យល់ពីមូលហេតុ នៃការផ្តន្ទាទោសនេះកុំអោយមានការភាន់ច្រលំថាជាការអនុវត្តច្បាប់ផ្តាច់ការដោយសារតែនេះ គឺជាការបង្កើនហានិភ័យនៃការរាលដាលជំងឺឆ្លង។

អ្នកស្រី ក បានដាក់លិខិតប្តឹងឧទ្ធរណ៍ប្រឆាំងនឹងលទ្ធផលនៃការកាត់ទោសសាលាដំបូង។

계속 “ស្រ្តីអាយុ៥០ឆ្នាំម្នាក់ដែលកំពុងធ្វើចត្តាឡីស័កនឹងត្រូវផ្តន្ទារទោសអោយជាប់ពន្ធនាគាររយៈពេល ៦ ខែ” 읽기

“កុំព្រងើយកន្តើយនឹងប្រជាជនម៉ូស្លីម” ការដោះលែងបុរស២នាក់ដែលបានបិទការផ្សព្វផ្សាយជញ្ជាំងស្ថានទូតបារាំង

ប្រជាជនម៉ូស្លីមពីរនាក់ដែលត្រូវបានចាប់ខ្លួនជាមួយនឹងខិត្តប័ណ្ណដែលមានខ្លឹមសារគម្រាមថា“ កុំជេរប្រមាថឥស្លាម” នៅលើជញ្ជាំងស្ថានទូតបារាំងប្រចាំនៅប្រទេសកូរ៉េត្រូវបានកាត់ទោសអោយជាប់ពន្ធនាគារប៉ុន្តែនៅពេលជំនុំជម្រះសាលាដំបូងក៏ត្រូវបានដោះលែង។

កាលពីថ្ងៃទី ១២ ខែឧសភា នៅទីក្រុងសេអ៊ូលបានកាត់ទោសពលរដ្ឋសញ្ជាតិរុស្ស៊ី A និងកៀហ្ស៊ីស៊ីស្ថាន B ដែលត្រូវបានបញ្ជូនទៅជំនុំជម្រះដោយបាន​ ចោទប្រកាន់ពីបទគម្រាមកំហែងដល់ប្រេសិតបរទេសដែលម្នាក់ៗជាប់ពន្ធនាគារ ៦ ខែនិងការសាកល្បងមួយឆ្នាំ។

ពួកគេត្រូវបានចាប់ខ្លួនពីបទលួចគេចខ្លួនបន្ទាប់ពីបានបិទខិត្តប័ណ្ណផ្សព្វផ្សាយទំហំ A4 ចំនួន ៤ សន្លឹកនៅលើជញ្ជាំងស្ថានទូតបារាំងប្រចាំក្រុងសេអ៊ូល និងនៅលើជញ្ជាំងខាងក្រៅនៃអគារក្បែរនោះនាម៉ោងប្រហែល ១០ យប់ថ្ងៃទី ១ ខែវិច្ឆិកាឆ្នាំមុនហើយត្រូវបានបញ្ជូនទៅជំនុំជម្រះ។

នៅលើខិត្តប័ណ្ណដែលពួកគេបានផ្សព្វផ្សាយនោះមានឃ្លាដូចជា “កុំព្រងើយកន្តើយនឹងពួកម៉ូស្លីម” និង “អ្នកណាដែលយកដាវមកចាក់យើងពួកយើងនឹងសម្លាប់ដោយប្រើដាវនោះវិញ” ។

តុលាការបានសម្រេចថាសកម្មភាពរបស់ពួកគេទាក់ទងនឹងការគំរាមកំហែងប្រឆាំងនឹងមន្រ្តីបុគ្គលិកស្ថានទូតបារាំងប៉ុន្តែមិនមែនប្រឆាំងនឹងឯកអគ្គរដ្ឋទូតបារាំងប្រចាំនៅកូរ៉េទេ។ បន្ទាប់មកបរុសទាំងពីរនាក់ត្រូវបានលើកលែងការចោទប្រកាន់ពីបទគំរាមកំហែងដល់ប្រេសិតបរទេសក្រោយពីការស្រាវជ្រាវ។​
លោកA និងអ្នកផ្សេងទៀតដែលទៀតបានចាប់ខ្លួនក៏ត្រូវបានដោះលែងនៅថ្ងៃដដែលផងដែរ។

계속 ““កុំព្រងើយកន្តើយនឹងប្រជាជនម៉ូស្លីម” ការដោះលែងបុរស២នាក់ដែលបានបិទការផ្សព្វផ្សាយជញ្ជាំងស្ថានទូតបារាំង” 읽기