ការផ្តល់ប្រាក់ឧបត្ថម្ភអាហារចំនួន ១០ម៉ឺនវ៉ុន របស់សាលាក្រុងសេអ៊ូលសម្រាប់សិស្សបឋមនិងមធ្យមសិក្សាចំនួន 56ម៉ឺននាក់

• 

ចាប់ពីខែឧសភាការិយាល័យអប់រំក្រុងសេអ៊ូលបានសម្រេចផ្តល់ប័ណ្ណប្រាក់អាហារដែលមានតម្លៃ ១០ម៉ឺនវ៉ុន សម្រាប់សិស្សបឋមសិក្សា មធ្យមសិក្សានិងវិទ្យាល័យនៅទីក្រុងសេអ៊ូលក្នុងសិស្សម្នាក់ៗ ទោះបីជាពួកគាត់កំពុងសិក្សានៅតំបន់ដាច់ស្រេយាលក៏ដោយ។

នៅថ្ងៃទី ១០ ខែឧសភា ការិយាល័យអប់រំក្រុងសេអ៊ូលបានប្រកាសថាខ្លួនកំពុងធ្វើការជាមួយរដ្ឋបាលទីក្រុងសេអ៊ូលនិងសហព័ន្ធ ២៥ ផ្សេងទៀតរួមទាំងសមាគមហាងទំនិញកូរ៉េដើម្បីជួយគាំទ្រប័ណ្ណឧបត្ថម្ភអាហារដើម្បីជួយកាត់បន្ថយការព្រួយបារម្ភអំពីកង្វះខាតស្បៀងនិងសម្រាលបន្ទុកឪពុកម្តាយរបស់សិស្សដែលមានទីលំនៅនៅដាច់ស្រយាល។

ប័ណ្ណឧបត្ថម្ភនេះផ្តល់ជូនសម្រាប់សិស្សបឋមសិក្សា មធ្យមសិក្សានិងវិទ្យាល័យប្រមាណ ៥៦ម៉ឺននាក់រួមទាំងកុមារដែលនៅតំបន់ដាច់ស្រយាលទោះជាមិនបានចូលរៀនក៏ដោយ។ សិស្សបឋមសិក្សា ឆ្នាំទី១ ឆ្នាំទី២ ឬក៏សិស្សវិទ្យាល័យឆ្នាំទី៣ដែលកំពុងតែរៀអាចទទួលបានប្រាក់អត្ថប្រយោជន៍នេះក៏ប៉ុន្តែ ចំពោះក្រីក្រសិស្សមកពីគ្រួសារដែលមានប្រាក់ចំណូលទាបពុំមានសិទ្ជិដែលមានសិទ្ធិទទួលបានប្រាក់អត្ថប្រយោជន៍នេះនេះទេ។

ដើម្បីទទួលបានប្រាក់ឧបត្ថមនេះអាចធ្វើការចុះឈ្មោះយកតាមរយ:ទូរសព្ទដៃសម្រាប់សិស្សដែលមានអាយុចាប់ពី ១៤ឆ្នាំ ឡើងប៉ុន្តែចំពោះសិស្សដែលមានវ័យក្រោម ១៤ឆ្នាំ មាតាបិតាសិស្សជាអ្នកចុះឈ្មោះជំនួស។

ប្រាក់ឧបត្ថម្ភដែលទទួលបានចំនួន ១០ម៉ឺនវ៉ុននេះអាចប្រើប្រាស់តាមម៉ាតទំនិញចំនួន៦រួមមាន GS25, CU, 7-Eleven និង Ministop ក៏ប៉ុន្តែប្រាក់ឧបត្ថម្ភនេះអាចទិញបានទំនិញចំនួនត្រឹម១០មុខប៉ុណ្ណោះរាល់ពេលទិញម្តង។

ការពិន័យបើសិនជាគ្មានប័ណ្ណបើកបរនិងមួកសុវត្ថិភាពពេលបើកបរកង់អគ្គិសនី

ចាប់ពីថ្ងៃទី ១៣ ខែឧសភាតទៅនេះមានតែអ្នកបើកបរដែលមានប័ណ្ណបើកបរតែប៉ុណ្ណោះដែលអាចប្រើកង់អគ្គិសនីហើយមួកសុវត្ថិភាពត្រូវពាក់នៅពេលបើកបរជាដាច់ខាត។

កាលពីថ្ងៃទី ១១ ខែឧសភានាយកដ្ឋានពាក់ព័ន្ធដូចជាក្រសួងដែនដីនិងដឹកជញ្ជូន ក្រសួងសាធារណៈការនិងសន្តិសុខ និងទីភ្នាក់ងារនគរបាលជាតិ បានប្រកាសកែសម្រួលច្បាប់ចរាចរណ៍ផ្លូវគោកដែល នឹងពង្រឹងសុវត្ថិភាពសម្រាប់អ្នកបើកបរ។ ជាឧបករណ៍សម្រាប់អ្នកប្រើប្រាស់កង់អគ្គិសនីនឹងចាប់ផ្តើមអនុវត្តច្បាប់នេះចាប់ពីថ្ងៃទី១៣តទៅ ។

យោងតាមវិសោធនកម្មច្បាប់មាត្រាទី២ខាងលើអ្នកដែលល្មើសនឹងត្រូវផាកពិន័យអតិបរិមាជាប្រាក់ចំនួន ១០ម៉ឺនវ៉ុន សម្រាប់អ្នកបើកដោយមិនមានប័ណ្ណបើកបរ។ នៅពេលបើកបរដោយមិនបានប្រើប្រាស់មួកសុវត្ថិភាពក៏ត្រូវផាកពិន័យចំនួន២ម៉ឺនវ៉ុនហើយចំពោះអ្នកដែលជិះកង់អគ្គិសនីចំនួន២នាក់ឡើងទៅនឹងត្រូវផាកពិន័យចំនួន៤ម៉ឺនវ៉ុនផងដែរ។

ការដោះលែងអ្នកទោសចំនួន៥១៤នាក់ក្នុងថ្ងៃបុណ្យពិសាខបូជា

នៅថ្ងៃកំណើតរបស់ព្រះពុទ្ធ ឬ ថ្ងៃបុណ្យពិសាខបូជា អ្នកទោសជាង ៥០០ នាក់នឹងត្រូវបានដោះលែង។ យោងតាមមន្រ្តីអនុវត្តច្បាប់នៅថ្ងៃទី ១៣ ខែឧសភា ស្ថាប័នកែប្រែនិងនិតិសប្បទាចំនួន ៥៤ទីតាំង នៅទូទាំងប្រទេសគ្រោងនឹងដោះលែងអ្នកទោសចំនួន ៥១៤ នាក់នៅថ្ងៃទី ១៩ ចំថ្ងៃបុណ្យពិសាខបូជាខាងមុខ។

ការលើកលែងទោសនិងត្រូវឆ្លងកាត់ការត្រួតពិនិត្យតាមរយ:ការតាមដាន ចំពោះអ្នកទោសដែលបានបម្រើការងារក្នុងរយៈពេលជាក់លាក់មួយ ។
“ ការដោះលែងនិងលក្ខណៈវិនិច្ឆ័យ ក្នុងការត្រួតពិនិត្យការដោះលែង” ដែលនឹងផ្សព្វផ្សាយចេញដោយក្រសួងយុត្តិធម៌នឹងត្រូវអនុវត្តចាប់ពីខែកក្កដាខាងមុខ។
ក្រសួងយុត្តិធម៌ព្យាករថាអ្នកទោសប្រមាណ ១០ ភាគរយ​បន្ថែមទៀត នឹងត្រូវទទួលការបន្ធូរបន្ថយទោស។

កំណើនសេដ្ធកិច្ចកូរ៉េនឹងត្រូវកើនឡើងក្នុងឆ្នាំនេះពីចន្លោះ ៣.១% ទៅ៣.៨%តាមការព្យាករណ៍របស់KDI

• 

វិទ្យាស្ថានអភិវឌ្ឍន៍កូរ៉េ (KDI) បានធ្វើការព្យាករណ៍ចំពោះកំណើនសេដ្ឋកិច្ចរបស់ខ្លួនដល់ ៣,៨% ក្នុងឆ្នាំនេះចំពោះការកែលម្អនាពេលថ្មីៗនេះចំពោះផលិតផលនាំចេញ។ នាពេលថ្មីៗនេះដោយសារតម្លៃប្រេងអន្តរជាតិឡើងថ្លៃទើបធ្វើអោយ ​កំណើនថ្លៃទំនិញប្រើប្រាស់កើនដល់ ១,៧%បើតាមការព្យាករណ៍ខាងលើ ។

តាមចក្ខុវិស័យសេដ្ឋកិច្ចសម្រាប់ឆមាសទី ១ ក្នុងឆ្នាំនេះដែលប្រកាសដោយវិទ្យាស្ថានអភិវឌ្ឍន៍កូរ៉េ (KDI)នៅថ្ងៃទី ១៣ ខែឧសភាកំណើនសេដ្ឋកិច្ចរបស់កូរ៉េគឺ ៣,៨% ស្មើរនិង០,៧ ភាគរយកើនខ្ពស់ជាងឆ្នាំមុនដែលមានត្រឹមតែ ៣,១% ដែលបានធៀវនឺងការប្រកាសកាលពីខែវិច្ឆិកា​​កន្លងទៅ។

ហើយការព្យាករណ៍នេះ KDI លើសពីស្ថាប័នអន្តរជាតិធំ ៗ ដូចជា IMF ៣,៦% OECD ៣,៣% និងធនាគារអភិវឌ្ឍន៍អាស៊ី ៣.៥% តែទាបជាងវិទ្យាស្ថានស្រាវជ្រាវហិរញ្ញវត្ថុកូរ៉េ ៤,១% និង JPMorgan ៤,៧% តែបើវាមិនដល់គោលដៅរដ្ឋាភិបាល ៤% ដែលបានគ្រោងទុកនៅឡើយទេ។

ស្រ្តីអាយុ៥០ឆ្នាំម្នាក់ដែលកំពុងធ្វើចត្តាឡីស័កនឹងត្រូវផ្តន្ទារទោសអោយជាប់ពន្ធនាគាររយៈពេល ៦ ខែ

• 

ស្រ្តីអាយុ៥០ឆ្នាំម្នាក់ដែលកំពុងធ្វើចត្តាឡីស័កបានចាកចេញពីទីតាំងហើយបានទៅជួបអ្នកស្គាល់គ្នាតែត្រូវបានគេធ្វើរោគវិនិច្ឆ័យថាមានវីរូសកូរ៉ូណា១៩ប្រភេទថ្មី នៅថ្ងៃបន្ទាប់ក៏ត្រូវបានកាត់ទោសឱ្យជាប់ពន្ធនាគារ។

កាលពីថ្ងៃទី ១៣ ខែឧសភាយោងតាមតុលាការក្រុងសេអ៊ូលបានកាត់ទោសស្រ្តីឈ្មោះ ក អាយុពី ៥០ ឆ្នាំអោយជាប់ក្នុងពន្ធនាគាររយះពេល ៦ ខែដែលត្រូវបានចោទប្រកាន់ពីបទរំលោភច្បាប់ការពារនិងគ្រប់គ្រងជំងឺឆ្លង។ កាលពីខែកក្កដាឆ្នាំមុនអ្នកស្រី ក ត្រូវបានជូនដំណឹងដោយអាជ្ញាធរឃុំឃាំងថាគាត់ត្រូវធ្វើចត្តាឡីស័កដោយខ្លួនឯង ប៉ុន្តែនៅថ្ងៃជូនដំណឹងនេះគាត់បានចាកចេញពីលំនៅដ្ឋានរបស់គាត់នៅម៉ោង ប្រហែល ៨ យប់ហើយបានជួបអ្នកស្គាល់គ្នានៅហាងនំបុ័ងមួយកន្លែងនៅតំបន់សុងប៉ា ក្រុងសេអ៊ូលនិងត្រូវបានបញ្ជាក់ថាគាត់មានឆ្លងវីរូសកូរ៉ូណា១៩​ប្រភេទថ្មី នៅថ្ងៃបន្ទាប់។

លើសពីនេះទៀតអ្នកស្រី ក បានធ្វើសេចក្តីថ្លែងការណ៍មិនពិតមួយទៅកាន់អាជ្ញាធរដាច់ដោយឡែកមុនពេលត្រូវបានដាក់ឃុំឃាំង។
តុលាការបានពន្យល់ពីមូលហេតុ នៃការផ្តន្ទាទោសនេះកុំអោយមានការភាន់ច្រលំថាជាការអនុវត្តច្បាប់ផ្តាច់ការដោយសារតែនេះ គឺជាការបង្កើនហានិភ័យនៃការរាលដាលជំងឺឆ្លង។

អ្នកស្រី ក បានដាក់លិខិតប្តឹងឧទ្ធរណ៍ប្រឆាំងនឹងលទ្ធផលនៃការកាត់ទោសសាលាដំបូង។

“កុំព្រងើយកន្តើយនឹងប្រជាជនម៉ូស្លីម” ការដោះលែងបុរស២នាក់ដែលបានបិទការផ្សព្វផ្សាយជញ្ជាំងស្ថានទូតបារាំង

• 

ប្រជាជនម៉ូស្លីមពីរនាក់ដែលត្រូវបានចាប់ខ្លួនជាមួយនឹងខិត្តប័ណ្ណដែលមានខ្លឹមសារគម្រាមថា“ កុំជេរប្រមាថឥស្លាម” នៅលើជញ្ជាំងស្ថានទូតបារាំងប្រចាំនៅប្រទេសកូរ៉េត្រូវបានកាត់ទោសអោយជាប់ពន្ធនាគារប៉ុន្តែនៅពេលជំនុំជម្រះសាលាដំបូងក៏ត្រូវបានដោះលែង។

កាលពីថ្ងៃទី ១២ ខែឧសភា នៅទីក្រុងសេអ៊ូលបានកាត់ទោសពលរដ្ឋសញ្ជាតិរុស្ស៊ី A និងកៀហ្ស៊ីស៊ីស្ថាន B ដែលត្រូវបានបញ្ជូនទៅជំនុំជម្រះដោយបាន​ ចោទប្រកាន់ពីបទគម្រាមកំហែងដល់ប្រេសិតបរទេសដែលម្នាក់ៗជាប់ពន្ធនាគារ ៦ ខែនិងការសាកល្បងមួយឆ្នាំ។

ពួកគេត្រូវបានចាប់ខ្លួនពីបទលួចគេចខ្លួនបន្ទាប់ពីបានបិទខិត្តប័ណ្ណផ្សព្វផ្សាយទំហំ A4 ចំនួន ៤ សន្លឹកនៅលើជញ្ជាំងស្ថានទូតបារាំងប្រចាំក្រុងសេអ៊ូល និងនៅលើជញ្ជាំងខាងក្រៅនៃអគារក្បែរនោះនាម៉ោងប្រហែល ១០ យប់ថ្ងៃទី ១ ខែវិច្ឆិកាឆ្នាំមុនហើយត្រូវបានបញ្ជូនទៅជំនុំជម្រះ។

នៅលើខិត្តប័ណ្ណដែលពួកគេបានផ្សព្វផ្សាយនោះមានឃ្លាដូចជា “កុំព្រងើយកន្តើយនឹងពួកម៉ូស្លីម” និង “អ្នកណាដែលយកដាវមកចាក់យើងពួកយើងនឹងសម្លាប់ដោយប្រើដាវនោះវិញ” ។

តុលាការបានសម្រេចថាសកម្មភាពរបស់ពួកគេទាក់ទងនឹងការគំរាមកំហែងប្រឆាំងនឹងមន្រ្តីបុគ្គលិកស្ថានទូតបារាំងប៉ុន្តែមិនមែនប្រឆាំងនឹងឯកអគ្គរដ្ឋទូតបារាំងប្រចាំនៅកូរ៉េទេ។ បន្ទាប់មកបរុសទាំងពីរនាក់ត្រូវបានលើកលែងការចោទប្រកាន់ពីបទគំរាមកំហែងដល់ប្រេសិតបរទេសក្រោយពីការស្រាវជ្រាវ។​
លោកA និងអ្នកផ្សេងទៀតដែលទៀតបានចាប់ខ្លួនក៏ត្រូវបានដោះលែងនៅថ្ងៃដដែលផងដែរ។

ពលករបរទេសហែរក្បួនមុនទិវាពលកម្ម

មួយសប្តាហ៍មុនថ្ងៃទិវាពលកម្ម​ ពលករចំណាកស្រុកនៅប្រទេសកូរ៉េបានធ្វើការដើរហែរក្បួននៅកន្លែងផ្សេងៗគ្នាក្នុងទីក្រុងសេអ៊ូលដោយស្រែកថា “សូមកុំឪ្យមានការរឹតត្បិតលើការផ្លាស់ប្តូរកន្លែងធ្វើការ” និងអោយមានការធានានូវអន្តេវាសិកដ្ឋានឬកន្លែងស្នាក់នៅ​ដែលសមល្មមសម្រាប់មនុស្សរស់នៅបាន។

នៅថ្ងៃទី ២៥ ខែមេសា ការិយាល័យអន្តោប្រវេសន៍ រួមទាំង ក្រសួងការងារ​និងបណ្ដុះបណ្ដាលវិជ្ជាជីវសហជីពពលករចំណាកស្រុកបានធ្វើការដើរហែរក្បួនចំនួន4ទីតាំងនៅក្នុងទីក្រុងសេអ៊ូលរួមមាន ស្ថានីយ៍រថភ្លើង,Myeongdong​(ម្យុងដុង), ស្ថានីយ៍ឧទ្យានប្រវត្តិសាស្ត្រនិងឧទ្យានវប្បធម៌ Dongdaemun(ដុងដេមូន) អគារផ្សារទំនើប Lotte(ឡុតតេ) និងស្ពាន Jeontaeil (ចុន-ថេ-អ៊ីល) ទល់មុខផ្សារ Pyeonghwa(ផ្យុងវ៉ា)ខ័ណ្ឌ Jongno-gu(ចុង-ណូ-ហ្គូ) ទៅកាន់ក្រសួងសហជីពនិងពលកម្មប្រចាំទីក្រុងសេអ៊ូល ក្នុងថ្ងៃតែមួយនេះដែរក៏មានការធ្វើសន្និសិទ្ធកាសែតមួយផងដែរ។

ពួកគេបានលើកឡើងពីបញ្ហាប្រាក់ឈ្នួលដែលទទួលបានទាបជាមួយនិងការថែមម៉ោងច្រើនរួមជាមួយនិងមានការរើសអើងជាតិសាសន៍ផ្សេងៗបន្ទាប់ពីការរីករាលដាលនៃវីរ៉ុសកូរ៉ូណា១៩ ដែលពលករចំណាកស្រុកនៅកូរ៉េកំពុងតែប្រឈមមុខខ្លាំង។

ក្រុមពលករបានជំរុញឱ្យលុបចោល គោលការណ៍ដែលបានហាមឃាត់ពលករចំណាកស្រុកចំពោះការផ្លាស់ប្តូរកន្លែងការងាររបស់ពួកគេហើយថែម​ទាំងបានស្នើរសុំបញ្ឈប់ការរំលោភបំពានលើផ្លូវភេទពីនាយោជកនិងផ្តល់កន្លែងស្នាក់នៅសមស្រមសម្រាប់ពលករកំពុងធ្វើរការនៅប្រទេសកូរ៉េ។

អ្នកស្រី យ៉ន់យ៉ឆុង(Yoon Yeo-jung) បានទទួលពានរង្វាន់អូស្កា(OSCAR)នៅសហរដ្ធអាមេរិច

តារាសម្តែងស្រីវ័យចំណាស់ យ៉ន់យ៉ឆុង បានឈ្នះពានរង្វាន់អូស្កា(OSCAR)ជាតួអង្គរងសម្ដែងល្អបំផុតនៅកម្មវិធីប្រគល់ពានរង្វាន់លើកទី៩៣នៅសហរដ្ធអាមេរិច។

នៅក្នុងពិធីប្រគល់រង្វាន់ដែលបានធ្វើឡើងនៅថ្ងៃទី ២៥ ខែមេសាម៉ោងក្នុងប្រទេសកូរ៉េ ដែលលោកស្រី យ៉ន់យ៉ឆុង បានសម្តែងតួអង្គរងល្អបំផុតសម្តែងជាតួជីដូនរបស់ នាង សុនឆា(Soon-ja) នៅក្នុងខ្សែរភាពយន្តរឿង MINARI ដែលមានរយះពេល​​ ១១៥នាទី។

​ខ្សែរភាពយន្ត MINARI គឺជាខ្សែភាពយន្តដែលរៀបរាប់អំពីជីវប្រវត្តិសង្ខេបរបស់អ្នកដឹកនាំសម្ដែងដោយលោកជាជនជាតិកូរ៉េ-អាមេរិច លីអ៊ីសាកឆុង​(Lee Isaac Chung) ហើយក្នុងខ្សែរភាពយន្តនេះបង្ហាញអំពី ក្តីសង្ឃឹមនិងការតស៊ូរបស់ជនអន្តោប្រវេសន៍កូរ៉េជំនាន់ទី១ ដែលបានផ្លាស់ទៅរស់នៅរដ្ឋអាកាន់សាស (ARKANSAS)សហរដ្ឋអាមេរិក។

បម្រាមសម្រាប់និស្សិតបរទេសចំពោះការធ្វើការងារក្រៅម៉ោងខុសច្បាប់ដែលបានទទួលបានកម្រៃខ្ពស់

រឿងរ៉ាវរបស់និស្សិតអន្តរជាតិម្នាក់​ដែលត្រូវបានចាប់ខ្លួនក្រោយបានធ្វើការងារក្រៅម៉ោងខុសច្បាប់នៅក្នុងប្រទេសកូរ៉េត្រូវបានគេរាយការណ៍តាមរយៈប្រព័ន្ធផ្សព្វផ្សាយក្នុងស្រុកនៅក្នុងប្រទេសឥណ្ឌូនេស៊ី។

យោងតាមព័ត៌មានបានឱ្យដឹងថាកាលពីខែ មករា កន្លងទៅ មាននិស្សិតឥណ្ឌូនេស៊ីឈ្មោះ​ ក ត្រូវបានប៉ូលីសចាប់ខ្លួនពីបទឆបោកតាមប្រព័ន្ធទូរគមនាគមន៍។

លោក ក បានទៅស្វែងរកការងារក្រៅម៉ោងដែលទទួលបានប្រាក់កម្រៃខ្ពស់ដែលផ្តល់ តាមរយះជនឧក្រិដ្ឋកម្មឆបោកតាមប្រព័ន្ធទូរគមនាគមន៍ ហើយបានផ្តល់ប្រាក់ពលកម្មជាសាច់ប្រាក់សុទ្ធ។

ក្រោយការចាប់ខ្លួនរួច តុលាការនៅពន្ធនាគារ ខេត្តជុនឈន់ កំពុងបើកការជំនុំជម្រះរឿងក្តីរបស់និស្សិតម្នាក់នោះដោយសារតែជនជាប់ចោទបានធ្វើការចរាចរលុយខុសច្បាប់ចំនួន​ ៣៦ លានវ៉ុន។

សិស្សនិស្សិតអន្តរជាតិទាំងអស់ ដែលកំពុងរស់នៅប្រទេសកូរ៉េអាចមានលទ្ធភាពចំពោះការ​ធ្វើការក្រៅម៉ោងនៅក្នុងក្របខ័ណ្ឌស្របច្បាប់ហើយត្រូវប្រុងប្រយ័ត្នអោយខ្ពស់កុំអោយមានការបោកប្រាស់តាមប្រព័ន្ធទូរគមនាគមន៍ ។