ការរក្សារគម្លាតសង្គមតាមតំបន់ទីប្រជុំជនបានកើនឡើងដល់កម្រិត៤ ចាប់ពីថ្ងៃទី ១២នេះតទៅ

កាលពីថ្ងៃទី ៩ ខែកក្កដា រដ្ឋាភិបាលកូរ៉េខាងត្បូងបានប្រកាសថាខ្លួននឹងបង្កើនការរក្សារគម្លាតសង្គមតាមតំបន់ទីប្រជុំជនដល់កម្រិតទី ៤ ក្នុងរយៈពេល ២ សប្តាហ៍ចាប់ពីថ្ងៃទី ១២ ខែកក្កដា ដើម្បីទប់ស្កាត់ការរីករាលដាលនមេរោគកូវីត ១៩។

ការរក្សារគម្លាតសង្គមនៅក្នុងកម្រិតទី ៤ បានកំនត់ការជួបជុំគ្នាត្រឹម ៤ នាក់ប៉ុណ្ណោះនិងត្រូវបានអនុញ្ញាតមុនម៉ោង ៦ ល្ងាចនិង ២ នាក់បន្ទាប់ពីម៉ោង ៦ ល្ងាចតទៅ។

រាល់ការប្រមូលផ្ដុំនិង ព្រឹត្តិការណ៍ផ្សេងៗ ក្រៅពីការធ្វើបាតុកម្មតែម្នាក់ឯងត្រូវបានហាមឃាត់ ហើយមានតែសាច់ញាតិប៉ុណ្ណោះ ដែលត្រូវបានអនុញ្ញាតឱ្យចូលរួមពិធីមង្គលការ និងពិធីបុណ្យសព។

ព្រឹត្តិការណ៍កីឡាត្រូវតែធ្វើឡើងដោយគ្មានអ្នកទស្សនា ហើយតាមសាលាក៏ត្រូវបានប្តូរទៅការរៀនសូត្រតាមរយៈប្រពន្ធ័ ONLINE ផងដែរ។

រដ្ឋាភិបាល នឹងរក្សាការហាមឃាត់លើការប្រមូលផ្តុំនៅតាមកន្លែងកម្សាន្ត និងបញ្ឈប់វិធានការបន្ថូរបន្ថយណាមួយចំពោះអ្នកដែលបាន ចាក់វ៉ាក់សាំងហើយក៏ដោយ។

계속 “ការរក្សារគម្លាតសង្គមតាមតំបន់ទីប្រជុំជនបានកើនឡើងដល់កម្រិត៤ ចាប់ពីថ្ងៃទី ១២នេះតទៅ” 읽기

ក្រុងសេអ៊ូលនឹងបង្ក្រាបការផឹកស៊ីបន្ទាប់ពីម៉ោង ១០ យប់

រដ្ឋាភិបាលក្រុងសេអ៊ូលរួមជាមួយប៉ូលីសបានបើកការបង្រ្កាបយ៉ាងខ្លាំងលើការបំពានច្បាប់កូវីត ១៩ ដូចជាការផឹកស៊ីបន្ទាប់ពីម៉ោង ១០ យប់ នៅគ្រប់តំបន់ទាំងអស់នៃឧទ្យានតាមដងទន្លេហាន់​(Han river)និង ២៥ ឧទ្យានធំ ៗ ផ្សេងទៀត ។

រយៈពេលនៃការបង្ក្រាបគឺចាប់ពីថ្ងៃទី ៩ ដល់ថ្ងៃទី ២៥ ខែកក្កដានេះតទៅ ហើយកម្លាំងអនុវត្តមានចំនួន ២១៦ នាក់ក្នុងនោះមានមន្រ្តីប៉ូលីស ១៣០ នាក់ត្រូវបានដាក់ពង្រាយជារៀងរាល់ថ្ងៃ និងមានកម្លាំងឃ្លាំមើលពីម៉ោង ១០:០០យប់ដល់ម៉ោង ២:០០យប់ថ្ងៃបន្ទាប់។

រដ្ឋាភិបាលក្រុងសេអ៊ូលបានប្រកាសថាប្រសិនបើអ្នករំលោភការហាមប្រាមខាងលើត្រូវបានចាប់ខ្លួនការផាកពិន័យក្រោម ១០០,០០០ វ៉ុន ដោយបានអនុលោមតាមច្បាប់បង្ការជំងឺឆ្លង។

មុននេះរដ្ឋាភិបាលក្រុងសេអ៊ូលបានចេញបទបញ្ជាមន្រ្តីរដ្ឋបាលដើម្បីហាមឃាត់ការផឹកស៊ី នៅខាងក្រៅបន្ទាប់ពីម៉ោង ១០ យប់​ នៅឧទ្យានតាមដងទន្លេហាន់​(Han river), តាមបណ្តោយដង Cheonggyecheon stream និងតាមបណ្តោយផ្លូវ Gyeongui Line forest road​ ផងដែរ។

계속 “ក្រុងសេអ៊ូលនឹងបង្ក្រាបការផឹកស៊ីបន្ទាប់ពីម៉ោង ១០ យប់” 읽기

បេក្ខជន ៦ រូបចុងក្រោយរបស់គណបក្សប្រជាធិបតេយ្យ ត្រូវបានជ្រើសរើសសម្រាប់ការប្រកួតប្រជែងជាបេក្ខជនប្រធានាធិបតី

លោកស្រី Choo Mi-ae ជាអតីតរដ្ឋមន្រ្តីក្រសួងយុត្តិធម៌ លោក Lee Jae-myung ជាអភិបាលខេត្ត Gyeonggi, លោក Chung Sye-kyun ជាអតីតនាយករដ្ឋមន្រ្តី លោក Lee Nak-yon ជាអតីតមេដឹកនាំគណបក្សប្រជាធិបតេយ្យ, លោក Park Yong-jin ជាសមាជិកសភា និង លោក Kim Doo-kwan ជាសមាជិកសភាមានចំនួន ៦ រូប ដែលបច្ចុប្បន្នកំពុងកាន់អំណាចរួមទាំងអតីតបេក្ខជនប្រធានាធិបតីនៃគណបក្សប្រជាធិបតេយ្យកូរ៉េ (Democratic Party of Korea,​ DPK) ផងនោះ នឹងចូលរួមក្នុងដំណើរការសម្រាប់ការជ្រើសរើសសម្រាប់ការប្រកួតប្រជែងជាបេក្ខជនប្រធានាធិបតីនាពេល ខាងមុខ។

នៅថ្ងៃទី ១១ ខែកក្កដា គណបក្សប្រជាធិបតេយ្យកូរ៉េ បានប្រកាសលទ្ធផលដ៏ជម្រោងជម្រោះបាននៃការស្ទង់មតិបោះឆ្នោតជាបឋម ដែលធ្វើឡើង ដោយគណកម្មការកណ្តាល នៅYeouido ក្នុងរយៈពេល ៣ ថ្ងៃ។

ជាលទ្ធផល លោក Choi Moon-soon ជាអភិបាលខេត្ត Gangwon និងលោក Yang Seung-jo ដែលជាអភិបាលខេត្ត Chungnam ត្រូវបានគេលុបចោលពីចំណាត់ថ្នាក់ជាបេក្ខភាពនាយករដ្ឋមន្រ្តី។

គណបក្សប្រជាធិបតេយ្យកូរ៉េគ្រោងនឹងបញ្ចប់ ការជ្រើសរើសបេក្ខជននៅដំណាច់ ខែកញ្ញាខាងមុខ និង​បិតបញ្ចប់ការប្រកួតប្រជែងនៅថ្ងៃទី ៥ ខែកញ្ញា មុនដំណើរការឃោសនាថ្នាក់ជាតិរយៈពេល ៥០ ថ្ងៃមកដល់។

계속 “បេក្ខជន ៦ រូបចុងក្រោយរបស់គណបក្សប្រជាធិបតេយ្យ ត្រូវបានជ្រើសរើសសម្រាប់ការប្រកួតប្រជែងជាបេក្ខជនប្រធានាធិបតី” 읽기

ថ្ងៃឈប់សម្រាករបស់អ្នកដឹកជញ្ជូនអីវ៉ាន់ចាប់ផ្ដើមពីថ្ងៃ​ទី ១៤-១៦ ខែសីហា

ចាប់ផ្ដើមពីឆ្នាំនេះតទៅ ថ្ងៃទី ១៤ ដល់ថ្ងៃទី ១៦ ខែសីហាត្រូវបានកំណត់ជា ‘ថ្ងៃសម្រាកសម្រាប់អ្នកដឹកជញ្ជូនអីវ៉ាន់'(Delivery man) ។

នៅថ្ងៃទី ៨ ខែកក្កដា សមាគមដឹកទំនិញកូរ៉េ(Korea Integrated Logistics Association, KILA) បានប្រកាសផែនការចាប់ផ្ដើមឪ្យមាន អនុវត្តនៅឆ្នាំ ២០២១ តទៅ សម្រាប់ថ្ងៃឈប់សម្រាកប្រចាំឆ្នាំចំពោះ អ្នកដឹកជញ្ជូនអីវ៉ា់ន់ ឬ​ជា ‘ទិវាដឹកជញ្ជូន’ ។

កាលពីឆ្នាំមុនឧស្សាហកម្មដឹកជញ្ជូន​ និងក្រសួងការងារនិងពលកម្មកូរ៉េបានចេញសេចក្តីប្រកាសរួមមួយ ដើម្បីកំណត់យកថ្ងៃទី ១៤ ខែសីហា ជារៀងរាល់ឆ្នាំថាជាថ្ងៃឈប់សម្រាកអ្នកដឹកជញ្ជូនដើម្បីធានាដល់ច្បាប់ការងារការសម្រាប់កម្មករដឹកអីវ៉ាន់។ នៅឆ្នាំនេះការឧបត្ថម្ភនឹងត្រូវបានផ្តល់ដើម្បីអនុញ្ញាតឱ្យឈប់សម្រាករហូតដល់បីថ្ងៃរួមទាំងថ្ងៃឈប់សម្រាកជំនួសនៅថ្ងៃទី ១៦ ខែសីហាផងដែរ។

ក្រុមហ៊ុនចំនួន ៤ នឹងអនុវត្តការឈប់សម្រាកដូចជាក្រុមហ៊ុន CJ Logistics, Rosen, Lotte Global Logis និង Hanjin​ ចំនែកឯក្រុមហ៊ុនផ្សេងទៀតមិនតម្រូវ​ឪ្យមានការអនុវត្តន៍ជាដាច់ខាតនោះទេ ដោយក្រុមហ៊ុននីមួយៗជាអ្នកកំណត់អាស្រ័យលើស្ថានភាព ជាក់ស្ដែងរបស់ក្រុមហ៊ុងផ្ទាល់។

계속 “ថ្ងៃឈប់សម្រាករបស់អ្នកដឹកជញ្ជូនអីវ៉ាន់ចាប់ផ្ដើមពីថ្ងៃ​ទី ១៤-១៦ ខែសីហា” 읽기

គណៈកម្មការសិទ្ធិមនុស្សបានផ្តល់អនុសាសន៍សម្រាប់កាតផ្ដល់ប្រាក់ថែទាំជាពិសេសដល់កុមារអន្តោប្រវេសន៍មុនចូលរៀន

នៅថ្ងៃទី ៨ ខែកក្កដា គណៈកម្មការសិទ្ធិមនុស្សកូរ៉េបានផ្តល់អនុសាសន៍ ដល់រដ្ឋមន្ត្រីក្រសួងសុខាភិបាលនិងសុខុមាលភាពសង្គមគួរគិតគូរ ក្នុងការផ្តល់ការគាំពារពិសេសដល់កុមារចំណាកស្រុកមុនចូលសាលា ​ដូចគ្នានិងកុមារដែលមានអាយុចូលសាលារៀនដែរ។

គណៈកម្មការសិទ្ធិមនុស្សបានវិនិច្ឆ័យថា ក្នុងដំណើរការអនុវត្តគម្រោងគាំពារពិសេសនៃក្រសួងសុខាភិបាលនិងសុខុមាលភាព ដែលបង្ហាញយ៉ាងច្បាស់ពីភាពខុសគ្នារវាងការព្យាបាលកុមារមត្តេយ្យមានសញ្ជាតិបរទេស និងកុមារមានសញ្ជាតិបរទេសដែលគ្រប់អាយុចូលរៀន ដែលជាការ​បង្កើតជាការរើសអើងដោយមិនសមហេតុផល។

គម្រោងគាំទ្រការយកចិត្តទុកដាក់ពិសេសរបស់ក្រសួងសុខាភិបាលនិងសុខុមាលភាព គឺជាគម្រោងមួយដែលផ្តល់ថវិកាចំនួន ២០ ម៉ឺនវ៉ុន ក្នុងកុមារម្នាក់ៗ របស់សិស្សថ្នាក់មត្តេយ្យ និងបឋមដើម្បីជួយសម្រាលបន្ទុកថែទាំឪពុកម្តាយ ដែលត្រូវបានបន្ថូរបន្ថយសម្រាប់ការចំនាយ ឪ្យមានភាពប្រសើរក្នុងកំលុងវិបត្តិកូវីត​១៩។

계속 “គណៈកម្មការសិទ្ធិមនុស្សបានផ្តល់អនុសាសន៍សម្រាប់កាតផ្ដល់ប្រាក់ថែទាំជាពិសេសដល់កុមារអន្តោប្រវេសន៍មុនចូលរៀន” 읽기

ការអស់សង្ឃឹមជាថ្មីចំពោះការពន្យារពេលក្នុងការបន្ធូរបន្ថយរក្សារគម្លាតសង្គមនៅតាមតំបន់ទីប្រជុំជន … វិបត្តិកូវីត​ ១៩

“ការផ្ទុះឡើងនៃការរាលដាលយ៉ាងខ្លាំងមេរោគកូវីត ១៩និង ប្រភេទបន្លែងខ្លួនថ្មីបានបណ្ដាលឪ្យតំបន់ នៅក្នុងទីក្រុងសេអ៊ូល និងតំបន់ទីប្រជុំជន ត្រូវរក្សារលើវិធានការការរក្សារគម្លាតសង្គមនៅតែបន្ដ។

នៅថ្ងៃទី ៣០ ខែមិថុនា រដ្ឋាភិបាលកូរ៉េបានប្រកាសថា នឹងផ្អាកចំពោះការពន្យារពេលក្នុងការបន្ធូរបន្ថយរក្សារគម្លាតសង្គម រយៈពេលមួយសប្តាហ៍បន្ថែមស្របតាមការណែនាំរបស់រដ្ឋាបាល ក្នុងតំបន់ដូចជា សេអ៊ូល ខ្យុងគី​ និង អ៊ីនឈុន។

នៅក្នុងតំបន់ទីប្រជុំជនវិធានការបច្ចុប្បន្ន នឹងត្រូវបានបន្ដពន្យារពេល ដូចជាការអនុញ្ញាតឱ្យមានការជួបជុំឯកជនត្រឹមមនុស្ស ៤ នាក់ ដោយហាមឃាត់ចំពោះការប្រមូលផ្តុំកន្លែងកំសាន្តនានា ដោយកំណត់ម៉ោងប្រតិបត្ដិការផ្សេងៗ ដូចជា កន្លែងហាត់ច្រៀង ភោជនីយដ្ឋាន និងហាងកាហ្វេនៅត្រឹមម៉ោង ២២ ដដែល ។

ដោយសារចំនួនករណីដែលបានបញ្ជាក់នៃការឆ្លងកូវីត ១៩​ ដែលបានបង្ហាញពីការធ្លាក់ចុះគួរឱ្យកត់សម្គាល់កាលពី ខែមិថុនា បានប្រែទៅជាមានការកើនឡើងម្តងទៀត រដ្ឋាភិបាលបានជំរុញឱ្យមានការសហការបន្តចំពោះការប្រមូលផ្តុំនិង​ រក្សារគម្លាតសង្គមផងដែរ។

ទាក់ទងនឹងស្ថានភាពបច្ចុប្បន្ននេះរដ្ឋាភិបាលមានការព្រួយបារម្ភថាវាអាចរាលដាលទៅជាជំងឺរាតត្បាតទ្រង់ទ្រាយធំប្រសិនបើមិនអាចបញ្ឈប់បាននៅពេលនេះទេ និង​បន្តទៀតថាវានឹងបង្កើនកម្រិតនៃការរក្សារគម្លាតសង្គមបន្ថែម និងចាត់វិធានការធ្វើចត្តាឡីស័កឪ្យមានប្រសិទ្ធិភាព ដើម្បីជៀសវាងនៅពេលណាមួយក្នុងករណីធ្ងន់ធ្ងរ។

계속 “ការអស់សង្ឃឹមជាថ្មីចំពោះការពន្យារពេលក្នុងការបន្ធូរបន្ថយរក្សារគម្លាតសង្គមនៅតាមតំបន់ទីប្រជុំជន … វិបត្តិកូវីត​ ១៩” 읽기

អ្នកបញ្ចប់ការចាក់វ៉ាក់សាំងមិនតម្រូវឪ្យពាក់ម៉ាសទៀតទេពេលចេញទៅក្រៅ

ទោះបីជាអ្នកដែលបានចាក់វ៉ាក់សាំងប្រឆាំងកូវីត១៩ ដូសទី១ ក៏មិនតម្រួវឪ្យពាក់ម៉ាសនៅទីសាធារណៈដែរ។

ចាប់ពីថ្ងៃទី ១ ខែកក្កដា នេះតទៅនឹងមានការលើកលែងពីការពិន័យជាការលើកទឹកចិត្តសម្រាប់អ្នកទទួលបានវ៉ាក់សាំងប្រឆាំងកូវីត១៩ ដោយមិនចាំបាច់អនុវត្តការពាក់របាំងមុខ(ម៉ាស)ទៀតទេ។

យោងតាមខ្លឹមសាររបស់រដ្ឋាភិបាលកូរ៉េដែលបានប្រកាសនាពេលកន្លងទៅបានឪ្យដឹងថាអ្នកដែលបានចាក់វ៉ាក់សាំងយ៉ាងតិច ១៤ ថ្ងៃ ទើបអាចអនុញ្ញាតសម្រាប់ការមិនពាក់ម៉ាសហើយ ក៏អាចធ្វើសកម្មភាពកំសាន្តនិងលំហែខាងក្រៅដូចជា ការដើរហាត់ប្រាណ ដើរលេងឡើងភ្នំ លេងទឹក និងការដើរលេងតាមឧទ្យានដោយមិនពាក់ម៉ាស់ការពារក៏បាន ។

ដោយលែកសម្រាប់ការទៅកាន់ទីកន្លែងដែលមានមនុស្សកកកកុញដូចជា ការជួបជុំការសម្តែងឬព្រឹត្តិការណ៍ណាមួយ ផ្សារទំនើប និងទីតាំងដែលមានមនុស្សប្រមូលផ្តុំគ្នា ការពាក់ម៉ាសត្រូវតែអនុវត្ដឪ្យបានជាដាច់ខាត​បើមិនដូចច្នោះទេ​​ នឹងត្រូវរងការផាកពិន័យជាមិនខានបើទោះបីអ្នកទាំងនោះបានទទួលវ៉ាក់សាំងហើយក៏ដោយ។​​

រដ្ឋាភិបាលបានជំរុញឱ្យប្រជាជនដែលត្រូវបានចាក់វ៉ាក់សាំងប្រឆាំងកូវីត១៩ ត្រូវពាក់ម៉ាសនៅកន្លែងដែលមានមនុស្សច្រើន។

계속 “អ្នកបញ្ចប់ការចាក់វ៉ាក់សាំងមិនតម្រូវឪ្យពាក់ម៉ាសទៀតទេពេលចេញទៅក្រៅ” 읽기

លិខិតលើកលែងការធ្វើចត្តាឡីស័កសម្រាប់អ្នកដែលបានចាក់វ៉ាក់សាំងនៅក្រៅប្រទេស

ចាប់ពីថ្ងៃទី ១ ខែកក្កដាការលើកលែងការធ្វើចត្តាឡីស័កនឹងត្រូវផ្ដល់ជូន ជនជាតិបរទេសកំពុងស្នាក់នៅក្នុងប្រទេសនិងជនបរទេសដែលទទួលបាន ការចាក់វ៉ាក់សាំងការពារកូវីត ១៩ពីបរទេសផងដែរ។

យោងតាមអ្នកនាំពាក្យរដ្ឋាភិបាលកូរ៉េ ជនជាតិបរទេស និងជនជាតិបរទេសក្រៅស្រុក ដែលបានចាក់វ៉ាក់សាំងរួចរាល់នៅបរទេស នឹងអាចទទួលបានលិខិតលើកលែងពីម៉ោង ០០:00 ថ្ងៃទី ១ ​ភ្លាមៗ ។

វ៉ាក់សាំង Pfizer, Janssen, Moderna, AstraZeneca (AZ), Kobyshield (វិទ្យាស្ថានស្រាវជ្រាវអាហ្សេឥណ្ឌា ស៊ីណូហ្វាម និងវ៉ាក់សាំងស៊ីណូវ៉ាក់ ដែលត្រូវបានយល់ព្រមដោយអង្គការសុខភាពពិភពលោក) មាននៅក្នុងប្រទេសតែមួយដើម្បីទទួលបានការទទួលស្គាល់ ការបញ្ចប់ការចាក់វ៉ាក់សាំងរួចរាល់នៅបរទេស ហើយការលើកលែងការធ្វើចត្តាឡីស័កនេះនឹងត្រូវអនុវត្ដ ចំពោះអ្នកដែរបាន​ចាក់ត្រឹមត្រូវ គ្រប់ចំនួនដូសបន្ទាប់​២សប្ដាហ៍ប៉ុណ្ណោះ។

បណ្តាប្រទេសខាងក្រោម និងមិនត្រូវបានលើកលែងពីការធ្វើចត្តាឡីស័ក​នោះទេ មានប្រទេស​​២១ ដូចជា ប្រទេស South Africa, Brazil, Malawi, Botswana, Mozambique, Tanzania, Eswatini, Zimbabwe, Bangladesh, Equatorial Guinea, Suriname, Paraguay, Chile, Uruguay, Colombia, Argentina, Malta, India, Indonesia, Pakistan, Philippines។ល ។

សម្រាប់សហគ្រិនចូលមកវិនិយោគអាចដាក់ពាក្យស្នើរសុំដោយមិនចាំបាច់ ធ្វើចត្តាឡីស័កប្រសិនបើពួកគេបង្ហាញពីសារៈសំខាន់និងភាពបន្ទាន់ នៃអាជីវកម្ម​របស់ពួក និង​លិខិតបញ្ជាក់ការចាក់វ៉ាក់សាំង​បើទោះបីពួកគេបានមក​ពីប្រទេសដែលមានមេរោគកូវីត១៩​​បន្លែងខ្លួនក៏ដោយ។

계속 “លិខិតលើកលែងការធ្វើចត្តាឡីស័កសម្រាប់អ្នកដែលបានចាក់វ៉ាក់សាំងនៅក្រៅប្រទេស” 읽기

ការអនុវត្តន៍យ៉ាងពេញលេញចំពោះការសងសម្រាប់ថ្អៃសម្រាកចាប់ពីថ្ងៃបុណ្យឯករាជ្យជាតិនេះតទៅ

“ នៅថ្ងៃទី ២៩ ខែមិថុនានេះ រដ្ឋសភាបានបោះឆ្នោតលើការអនុម័តច្បាប់“ វិស្សមកាលសាធារណៈ” ដែលរួមមានការអនុវត្តថ្ងៃឈប់សម្រាកជំនួស ចំពោះថ្ងៃឈប់សម្រាកសាធារណៈទាំងអស់ដែលជាន់ជាមួយថ្ងៃចុងសប្តាហ៍។

រហូតមកដល់ពេលនេះថ្ងៃឈប់សម្រាកជំនួសត្រូវបានអនុវត្តតែចំពោះ​ បុណ្យចូលឆ្នាំថ្មី បុណ្យជូសុក និងទិវាកុមារអន្តរជាតិប៉ុណ្ណោះ។

ការឈប់សងនេះដែលត្រូវបានពង្រីក នឹងត្រូវបានអនុវត្តចាប់ពីថ្ងៃបុណ្យឯករាជ្យជាតិនៅថ្ងៃទី ១៥ ខែសីហាដែលជាថ្ងៃអាទិត្យហើយត្រូវបាន សងជំនួសនៅថ្ងៃទី ១៦ ជាថ្ងៃឈប់សម្រាកហើយ បួកបន្ថែម៤ ថ្ងៃទៀតដែលត្រូវជំនួសសងចំពោះថ្ងៃទិវាមូលនិធិជាតិ ទិវាអក្សរសាស្ដ្រ និងថ្ងៃបុណ្យណូអែលខាងមុខផងដែរ។

ក៏ប៉ុន្តែការអនុវត្តន៍មិនត្រួវបានធ្វើចំពោះអាជីវកម្មដែលមាននិយោជិកតិចជាង 5 នាក់នោះទេ។

계속 “ការអនុវត្តន៍យ៉ាងពេញលេញចំពោះការសងសម្រាប់ថ្អៃសម្រាកចាប់ពីថ្ងៃបុណ្យឯករាជ្យជាតិនេះតទៅ” 읽기